Na joŋ ɗii ka lwaa fahlii Masəŋ matə goŋga ne ? - Za Syedowal Jehowa : Cok lwaa Gɓəzah Pa byak cokke matə wat pə Internet.

Za Syedowal Jehowa : Cok lwaa Gɓəzah Pa byak cokke matə wat pə Internet.

Beliefs

Future

Fan mai Masəŋ mo tə byak gin wo mana

Leesoŋ 13

Na joŋ ɗii ka lwaa fahlii Masəŋ matə goŋga ne ?
	Masəŋ a ’yah fahlii masəŋ daŋ ne ? Wala a ’yah vaŋno to ne ? (1)
	Mor fẽe fahlii masəŋ camcam daŋ a foora təgbana ara te syee mor Kristu ne ? (2)
	We joŋ ɗii ka tan za Kristu matə goŋga ne ? (3-7)

1. Yesu kan fahlii Masəŋ masãh ah vaŋno to. Tə’ nah ta za ma juura pel wo Jehowa Masəŋ ne goŋga, ara təgbana suu tə vaŋno, ŋgaɓ tə vaŋno (Yohana 4:23, 24 ; Efesien 4:4, 5). Bibel faa za ma syeera fahlii manyiŋ ma ga pə cok lwaa cee ka pəlli ya. — Mateus 7:13, 14.

2. Bibel faa za pee mo wukra daŋ ɓe, fahfal ɓəə fan cuu ne fan joŋ maɓea’ ah camcam ga danra congrégation Kristu nje nje. Za ki ga kəəra za iŋ ka syee mor ɓəəra, ka sob syee mor Kristu (Mateus 7:15, 21-23 ; Yeɓ Za Pee 20:29, 30). Mor ah na kwan fahlii masəŋ camcam pəlli mai moo faara ra tə syee mor Kristu. Na joŋ ɗii ka tan za ma syeera mor Kristu ne goŋga ne ?

3. Lamba ma lii mai za mo tan za syee mor Kristu matə goŋga ne koo ako ye ’yah ki ɓəəra (Yohana 13:34, 35). Ka kwanra zahban ɓəə wala zah wak suu ɓəə pəyək kal mə za ki ɓe ya. Za ka cuu syea zahban sər ki nyi ra ya ta (Yeɓ Za Pee 10:34, 35). Ka ruura sal ya ta. Za syee mor Kristu matə goŋga daŋ a’ yahra ki ne naa ɗəə. — 1 Yohana 4:20, 21.

Za Kristu matə goŋga a’ yahra ki ; a ɗuura ɓə lai ma pə Bibel, soo a cuura ɓə Goŋ Masəŋ.

4. Lamba maki ma cuu fahlii Masəŋ matə goŋga ako ye mai za syee fahlii ah moo ɗuura ɓə lii ma pə Bibel. A nyiŋra Bibel ne Ɓə faa Masəŋ soo a iŋra ɓə ɓər ahe (Yohana 17:17 ; 2 Timoteus 3:16, 17). Ma ɓəə, Ɓə faa Masəŋ pəyək pəlli kal ɓə foo dəfuu ne zahsyiŋ ɓəə daŋ ɓe (Mateus 15:1-3, 7-9). A kyebra ka syee mor ɓə mai Bibel mo faa ɓo cẽecẽe. Ka cuura ɓə lai soo fahfal ah ɓe, ka kalra ne joŋ ɓəɓe’ ki cam ya. — Titus 1:15, 16.

5. Fahlii Masəŋ matə goŋga a yii təɗii Masəŋ ta (Mateus 6:9). Yesu cuu təɗii Masəŋ, Jehowa nyi zana. Za Kristu matə goŋga mor ka joŋra nai ta (Yohana 17:6, 26 ; Romanen 10:13, 14). Jək ɓii ma kẽe a cuura təɗii Masəŋ nyi za ne ?

6. Za Kristu matə goŋga a cuura Goŋ Masəŋ nyi zana. Yesu yea tə joŋ nai ta. A cuu ko ɓə Goŋ ahe (Lukas 8:1). Faa ko nyi za syee mor ah mo cuura ɓə’ nyah Goŋah wo za sər daŋ (Mateus 24:14 ; 28:19, 20). Goŋ Masəŋ syak ah to ye ga ge ne kal tə jam wo sərri, za Kristu iŋra ɓo nai ko. — Ləŋni 146:3-5.

7. Za syee mor Yesu ka mor maara suu bəə pə bə sər maɓea’ mai ya (Yohana 17:16). Ka zwəəra ɓə politique ya, ka soo zwəəra ɓə gbanzah za sər ya ta. Ka ɓaŋra ɓal syel ne fan joŋ təkine ɓə foo maɓea’ ma wo sər mai syee ne ya (Yakuɓ 1:27 ; 4:4). We təə ŋgaɓ za Masəŋ ma kah yaŋ ɓii mai mo ne lamba fahlii Masəŋ matə goŋga ɓe ne ?

Ŋwəə bo ne 1999
Copyright © 2006 Watch Tower Bible and Tract Society of Pennsylvania. All rights reserved.