 |
Beliefs | Future | Medical | Topics | Contact Us | Publications | Languages |
| Fan mai Masəŋ mo tə byak gin wo mana | Leesoŋ 14  |
Za Syedowal Jehowa a joŋra yəɓ ɓəə suu ɗəne |
|
 |
Bə za Syedowal Jehowa ma zəzəə təŋ nekẽne ? (1) |
|
Za Syedowal Jehowa a joŋra tai ɓə suu ɗəne ? (2) |
|
Lak solai joŋ yeɓ ɓəə ge kẽe ye ge ne ? (3) |
|
Azu ye swah congrégation ne ? (4) |
|
Tai ma luu ma joŋ ne syii daŋ ako ye makẽne ? (5) |
|
Yeɓ fẽe a joŋ pə cok joŋ yeɓ ma lii ma wo sər daŋ ne pə cok ŋwəə ɗerewol za Syedowal Jehowa ne ? (6) |
1. Bə za Syedowal Jehowa ma zəzəə təŋ ne syii 1870. Kəpel, a ɗiira ne Za Fee Bibel. So ne 1931, ɓaŋra təɗii za Syedowal Jehowa ne mai mo pə Bibel (Esaia 43:10). Təŋ mor ah, ŋgaɓ ɓəə yea ɓiŋ, soo zəzəə za Syedowal millions pəpãare a cuura ɓə Masəŋ ne təwon pə sər camcam kal 230 ɓe. 
2. Lii congrégation za Syedowal Jehowa daŋ a taira ɓal sai təgəə zah’ nan tə reŋ. A ɗiira we ka tai ne ra (Yahuduen 10:24, 25). Fan cuu ma pə tai daŋ gee pə Bibel ge. Tai daŋ a təŋ ne juu pelle a soo in zah ne juu pelle. Pə tai maki ah, za ɗəə ləŋ ne zahzyil vaŋno “ ləŋ ma pə tə yakke ”. (Efesien 5:18, 19.) Ɗan pə tai a təkolle, fan səə kəka gŋ ya. — Mateus 10:8. 3. Kəlli congrégation a joŋra tai ɓəə ɓər Yaŋ Goŋ Masəŋ. Yaŋ mai za Syedowal mo taira vuu ne suu ɓəə təkolle. Bər Yaŋ Goŋ Masəŋ, we ka kwo fan ma zyeɓ ne vãm syẽ̃, ma ne kpuucee wala zyeɓ masəŋ ki cam gŋ ya. Lak solai joŋ yeɓ ɓəə, fan nyi mai ɗəɓ mo nyi ne zahzyil pə ’nyah yo. Sunduku tai lak no mor za ma ne ’yah nyi fanne. — 2 Korintien 9:7.
4. Pə congrégation vaŋno vaŋno daŋ, za luu no gŋ, za ɗiira ne za byak congrégation ta. Ara ye swah fan cuu ma pə congrégation (1 Timoteus 3:1-7 ; 5:17). Za yeɓ congrégation a gbahra jol za luu congrégation (1 Timoteus 3:8-10, 12, 13). Za marai ka pəyək kal təcoŋ za ma pə congrégation ya (2 Korintien 1:24). Ara ka ne təɗii matə ema maki ah ya ta (Mateus 23:8-10). Fan wo suu ɓəə laŋ ka cam ya. Ka lwaara soo tə ɓə yeɓ mai mo tə joŋra ya. Za luu congrégation joŋra yeɓ mor congrégation təkolle. A swaara zahzyil za ne so a laira za mai ara mo pəzyil gaɓɓe. — Yakuɓ 5:14-16 ; 1 Petar 5:2, 3. 5. Za Syedowal Jehowa a joŋra tai ma luu ne syii daŋ, tai ah a ɗii ne tai malii. Congrégation camcam daŋ a taira pə cok vaŋno ne syii daŋ ka laara fan cuu ma pə Bibel. Pə tai ma luu ma pəzyil syii daŋ, za ma ɓaŋra fahlii Masəŋ pəfuu a nyiŋra baptisma. — Mateus 3:13-17 ; 28:19, 20. 6. Cok joŋ yeɓ za Syedowal Jehowa ma lii ma wo sər daŋ a New York. Pə cok ah, ŋgaɓ za luu no gŋ, ŋgaɓ ah ɗii ne College central, swah congrégation ma wo sər daŋ yo. Za Syedowal ne cok ŋwəə ɗerewol pə sər camcam kal 100 ɓe, za ma joŋra yeɓ gŋ ye za ma ne ’yah pə zahzyilli. Bə matə fan cuu Masəŋ ur pə cok marai ge. Mor fẽe we ka ga ẽe cok ŋwəə ɗerewol za Syedowal Jehowa ma kah yaŋ ɓii tə gwari ya ne ?
|
|||
Ŋwəə bo ne 1999 |
  |
Copyright © 2006 Watch Tower Bible and Tract Society of Pennsylvania. All rights reserved. |
|
