Ləŋ ɓə suu ɓii ka joŋ yəɓ Masəŋ

1. Ka we ciŋ bai sãh Masəŋ ɓe sye, we mor yea ne fatan pəsãh tə goŋga ma ɓər bibel (1 Timoteus 2:3, 4), we iŋ fan mai daŋ we fee ɓo (Yahuduen 11:6), we ɗii marwəə joŋ faɓe’ (Yeɓ Za Pee 17:30, 31), soo we soɓ fan joŋ ɓii maɓea’ matãa ɓoo (Yeɓ Za Pee 3:19). Soo yah’ Masəŋ mo kəə we nyi suu ɓii nyi ko. Nyi suu nyi Masəŋ, ako ye faa nyi ko, pə juu pel mai we juu syak ɓii, we tə nyi suu ɓii, nyi ko ka joŋ ’yah ahe. — Mateus 16:24 ; 22:37.

2. We nyi suu ɓii nyi Masəŋ ɓe sye, ka we joŋ baptisma (Mateus 28:19, 20). Baptisma ye cuu nyi za daŋ ka we nyi suu ɓii nyi Jehowa ɓe. Baptisma a mor za mai ara mo pə luu nje, za mai mo gakra faa ɓə suu ɓəə tə ɓe joŋ yeɓ Masəŋ. Baptisma a joŋ pə bii, za dan ga pə bii ne suu daŋ zah vaŋno, gur za jin yee gin pə ɓii ge lal ba*. — Markus 1:9, 10 ; Yeɓ Za Pee 8:36.

3. Com mai we nyi suu ɓii nyi ko ɓe, Jehowa byak ka we syee mor ɓə faa zah ɓiiri (Ləŋni 50:14 ; Paccuɓə 5:4, 5). Dəɓ Be’ a kyeɓ ka we joŋ yeɓ Jehowa ka, a ’yah ka we jin fahfalle (1 Petar 5:8). We mgbãa Masəŋ ne juu pelle (Filipien 4:6, 7). We fee ɓə Faa ah cẽecẽe (Ləŋni 1:1-3). We mgbãa congrégation ne yea pə taini (Yahuduen 13:17). We tə joŋ fan marai daŋ ɓe, we ga lwaa swah ma yea njaŋ pel Masəŋ. We joŋ fan mai Masəŋ mo tə byak gin wo ɓii ŋhaa ga lii ga lii !

We `yah lwaa tan ɓə ah ga pel no ne? wala we `yah fee bibel yaŋ ɓii no ne? We ŋwəə ɗerewol pee ge za Syedowal Jehowa pə cok lwaa bəə matə ryak-ryak. Cok lwaa

* Ka we joŋ baptisma ɓe, a pəsãh ka we fee ɗerewol ma ɗii ne La connaissance qui mène à la vie éternelle, wala ɗerewol maki ah mai za Watch Tower Bible and Tract Society, mo ŋwəəra ɓo.

Copyright © 2006 Watch Tower Bible and Tract Society of Pennsylvania. All rights reserved.