Con Bo Por Haña Sa Loke Dios Ta Rekerí

1. E Bijbel ta un regalo precioso for di Dios. E ta manera un carta for di un tata amoroso pa su yunan. E ta conta nos e berdad tocante Dios—ken e ta i cua ta su normanan. E ta splica con pa enfrentá problemanan cu éxito i con pa haña berdadero felicidad. Bijbel ta e único cu ta bisa nos kico nos mester haci pa agradá Dios.—Salmo 1:1-3; Isaías 48:17, 18.

2. Rond di 40 diferente homber a skirbi e Bijbel durante un periodo di 1.600 aña, cuminsando na 1513 P.E.C. E ta consistí di 66 buki chikitu. Esnan cu a skirbi e Bijbel a ser inspirá dor di Dios. Nan a skirbi su pensamentunan, no esnan di nan mes. Pues ta Dios den shelu, i no ningun hende riba tera, ta e Autor dje Bijbel.—2 Timoteo 3:16, 17; 2 Pedro 1:20, 21.

3. Dios a haci sigur cu e Bijbel a ser copiá di un manera exacto i cu el a ser conserbá. Mas Bijbel a ser imprimí cu cualkier otro buki. No ta tur hende lo ta contentu di mirá bo studia e Bijbel, pero no laga esei stop bo. Bo futuro eterno ta dependé di si bo ta conocé Dios i ta haci su boluntad apesar di cualkier oposicion.—Mateo 5:10-12; Juan 17:3.

Copyright © 2008 Watch Tower Bible and Tract Society of Pennsylvania. All rights reserved.