 |
Beliefs | Future | Medical | Topics | Contact Us | Publications | Languages |
| Kico Dios Ta Rekerí di Nos? | Les 2  |
Ken Dios Ta? |
|
 |
Ken ta e Dios berdadero, i con su nomber ta? (1, 2) |
|
Ki sorto di curpa e tin? (3) |
|
Cua ta su cualidadnan sobresaliente? (4) |
|
Nos mag di usa imágen i símbolonan den nos adoracion na dje? (5) |
|
Cua ta dos manera cu nos por siña tocante Dios? (6) |
1. Hende ta adorá hopi cos. Pero Bijbel ta bisa nos cu tin solamente un Dios BERDADERO. El a crea tur cos den shelu i riba tera. Siendo cu el a duna nos bida, e ta e Unico cu nos mester adorá.—1 Corintionan 8:5, 6; Revelacion 4:11.
2. Dios tin hopi título, pero tin solamente un nomber. E nomber ei ta JEHOVA. Den mayoria Bijbel, e nomber di Dios a ser kitá i a ser reemplasá cu e títulonan SEÑOR of DIOS. Pero ora e Bijbel a ser skirbí, e nomber Jehova a aparecé rond di 7.000 biaha!—Exodo 3:15; Salmo 83:18. 3. Jehova tin un curpa, pero e no ta manera esun di nos. “Dios ta un Spiritu,” Bijbel ta bisa. (Juan 4:24) Un spiritu ta un forma di bida cu ta hopi mas superior cu esun di nos. Hamas un humano a yega di mira Dios. Jehova ta biba den shelu, pero e por mira tur cos. (Salmo 11:4, 5; Juan 1:18) Sin embargo, kico ta e spiritu santu? Esei no ta un persona manera Dios. Mas bien, esei ta e forsa activo di Dios.—Salmo 104:30. 4. Bijbel ta revelá Jehova su personalidad na nos. E ta mustra cu su cualidadnan sobresaliente ta amor, husticia, sabiduria i poder. (Deuteronomio 32:4; Job 12:13; Isaías 40:26; 1 Juan 4:8) Bijbel ta bisa nos cu tambe e ta misericordioso, bondadoso, pordonador, generoso i cu e tin pacenshi. Nos, mescos cu yunan obediente, mester trata na imit’é.—Efesionan 5:1, 2.
5. Nos mag di buig pa of resa na imágennan, prenchinan of símbolonan den nos adoracion? No! (Exodo 20:4, 5) Jehova ta bisa cu nos mester adorá e so. Lo e no compartí su gloria cu ningun otro persona ni ningun otro cos. Imágennan no tin poder pa yuda nos.—Salmo 115:4-8; Isaías 42:8. 6. Con nos por siña conocé Dios mihó? Un manera ta dor di observá e cosnan cu el a crea i pensa profundamente riba loke nan ta revelá na nos. Dios su creacionnan ta mustra nos cu e tin gran poder i sabiduria. Nos ta mira su amor den tur loke el a traha. (Salmo 19:1-6; Romanonan 1:20) Un otro manera cu nos por siña tocante Dios ta dor di studia e Bijbel. Den dje e ta conta nos hopi mas tocante e clase di Dios cu e ta. Tambe Dios ta conta nos tocante su propósito i loke e kier pa nos haci.—Amos 3:7; 2 Timoteo 3:16, 17. |
|
Publiká na 1996 |
 |
Copyright © 2008 Watch Tower Bible and Tract Society of Pennsylvania. All rights reserved. |
|
