1. Pa awor aki, bo a siña hopi cos bon for dje Bijbel. E conocimentu aki mester hibá bo na cultivá un personalidad cristian. (Efesionan 4:22-24) E conocimentu aki ta esencial pa bo por haña bida eterno. (Juan 17:3) Sin embargo, otro hende tambe mester tende e bon nobo di manera cu nan tambe por ser salbá. Tur cristian berdadero mester duna testimonio na otronan. Esei ta Dios su mandamentu.—Romanonan 10:10; 1 Corintionan 9:16; 1 Timoteo 4:16.
2. Bo por cuminsá dor di compartí e bon cosnan cu bo ta siñando cu esnan cerca di bo. Conta nan na bo famia, amigunan, coleganan di scol i di trabou. Sea bondadoso i tene pacenshi ora bo ta haci esaki. (2 Timoteo 2:24, 25) Corda cu hopi biaha hende ta wak un persona su conducta mas cu nan ta scucha na loke e ta bisa. Pues, bo bon conducta por atraé otronan pa scucha na e mensahe cu bo ta conta nan.—Mateo 5:16; 1 Pedro 3:1, 2, 16.
3. Cu tempu, bo por cualificá pa cuminsá predicá cu e congregacion local di Testigonan di Jehova. Esaki ta un paso importante den bo progreso. (Mateo 24:14) Lo ta ki un goso si bo lo por a yuda un otro hende bira un sirbidor di Jehova i haña bida eterno!—1 Tesalonicensenan 2:19, 20. |
