Bo Decision pa Sirbi Dios

1. Pa por bira un amigu di Dios, bo mester obtené un bon conocimentu dje berdad di Bijbel (1 Timoteo 2:3, 4), pone fe den e cosnan cu bo a siña (Hebreonan 11:6), repentí di bo picánan (Echonan 17:30, 31), i bira bek di bo curso di bida. (Echonan 3:19) Despues bo amor pa Dios mester conmové bo pa dedicá bo mes na dje. Esaki ta nificá cu den un oracion personal i privá bo ta bis’é cu bo ta dunando bo mes na dje pa haci su boluntad.—Mateo 16:24; 22:37.

2. Despues cu bo a haci bo dedicacion na Dios, bo mester ser bautisá. (Mateo 28:19, 20) Bautismo ta laga tur hende sa cu bo a dedicá bo mes na Jehova. Pues bautismo ta solamente pa esnan cu tin suficiente edad pa tuma un decision pa sirbi Dios. Ora un persona ta ser bautisá, henter su curpa mester ser poní bou awa pa un momento.*—Marco 1:9, 10; Echonan 8:36.

3. Despues cu bo a haci un dedicacion, Jehova lo spera di bo cu bo ta biba di acuerdo cu bo promesa. (Salmo 50:14; Eclesiástes 5:4, 5) E Diabel lo purba di stop bo di sirbi Jehova. (1 Pedro 5:8) Pero hala cerca Dios den oracion. (Filipensenan 4:6, 7) Studia su Palabra tur dia. (Salmo 1:1-3) Keda pegá cu e congregacion. (Hebreonan 13:17) Haciendo tur esaki, lo bo haña e fortalesa pa keda fiel na Dios. Dje manera ei bo por haci e cosnan cu Dios ta rekerí di bo pa tur eternidad!

Bo ta deseá mas informashon òf un studio di Beibel grátis? Skirbi Testigunan di Yehova n’e adrès mas kumbiniente. Adrèsnan

* Ta ser recomendá pa studia e buki Conocimentu cu Ta Hiba na Bida Eterno, of un buki similar publicá dor di Watch Tower Bible and Tract Society, pa prepará pa bautismo.

Copyright © 2008 Watch Tower Bible and Tract Society of Pennsylvania. All rights reserved.