 |
Creencias | Futuro | Medicina | Artículos | Escríbanos | Publicaciones | Idiomas |
Kay versokunatapash liyinki:
Gentekunaka achka tapuykunatami charin. Kanpash manachu kay tapuykunapi yuyashkanki:
Kay tapuykunamanta yachakunkapakka, imatatak rurankiman. Wakinkunaka shuktak gentekunata, pastorkunata, curakunatami tapunkuna. Tapukpika, paykunaka chikan chikan yuyaykunatami yachachin. Kutin wakinpika, paykunapa yachachishkakunaka alli shinami rikurin. Shinapash, asha watakuna kipaka, chay gentekunapa yuyaykunaka ña mana alli rikurinchu.
Kay jawapi tiyakuk tapuykunamanta ashtawan yachankapakka, shuk alli libromi tiyan. Chay libroka maykantak kan. Diosta mañakushpaka, Jesucristoka nirkami: “Kanpak shimika napacha llullakchu” nishpa (Juan 17:17). Kunan punchakunapika, chay Shimitami, Diospa Shimi (Biblia) nishpa riksinchik. Kay hojapika achka gentekunapa tapuykunamanta, imata Biblia yachachiktami rikukrinchik.
GENTEKUNAKA, IMAMANTATAK KAY TAPUYTA RURANKUNA. Kunan punchakunapika achka llakikuna, achka mana alli ruraykunami tiyan. Chaymantami achka religionkunaka yachachin, shina kawsachunmi Dioska munan nishpa.
BIBLIAPIKA KAYTAMI YACHACHIN. Job 34:10 versopi, Biblia Quichua Chimborazoka ninmi: ‘Mana allita ruranaka Diosmantaka karupimi kan. Millayta ruranapash, Tukuyta Rurak Diosmantaka karupimi kan’ nishpa. Dioska, gentekunata kuyaymantami shamuk punchakunapika achka bendicionkunata kay Allpaman apamunka. Chaymantami Jesuska kashna mañankichik nirka: “Jawa pachapi tiyakuk ñukanchi Taytalla […]. Kan mandanaka, ucha chayamuchunmi munanchi. Imashnami jawa pachapika kan munashkashna ruranakun, chashnallata kay pachapipash, kan munashkashna ruranakushpami alli kanman” nishpa (Mateo 6:9, 10). Shinaka, ñukanchikta achkata llakimantami, Dioska paypa Churita kay Allpaman kacharka (Juan 3:16).
Kay versokunatapash liyinki: Génesis 1:26-28; Santiago 1:13; 1 Pedro 5:6, 7.
GENTEKUNAKA, IMAMANTATAK KAY TAPUYTA RURANKUNA. Jatun makanakuykunapika waranka waranka gentekunami wañun. Chaymantami tukuy ñukanchikkunaka achkata llakirinchik.
BIBLIAPIKA KAYTAMI YACHACHIN. Diospa Reino mandakukpika, tukuy muyuntin Allpapimi gentekunaka kasilla, alli kawsankakuna. Chaypika, “makanakuyta yachachinapash, na ashtawan tiyankachu”. Shinallatak, gentekunaka ‘paykunapak espadakunataka, yapuna rejakunamanmi tikrachinkakuna’ (Isaías 2:4). Ashtawanpash tukuy llakikunata, mana alli ruraykunataka Diosmi tukuchinka. Chaymantami Bibliapika kashna nin: “Tayta Diosmi, paykunapak ñawimantaka, tukuylla wikita pichanka. Wañuypash, wakaypash, llakipash, nanaypash, na ashtawan tiyankachu. Punta ima tiyashkapash illankami” nishpa (Apocalipsis 21:3, 4).
Kay versokunatapash liyinki: Salmo 37:10, 11; 46:9; Miqueas 4:1-4.
GENTEKUNAKA, IMAMANTATAK KAY TAPUYTA RURANKUNA. Gentekuna wañukpipash paykunapa almaka mana wañunchu nishpami, achka religionkunaka yachachin. Kutin wakinkunaka ninmi: “Wañushkakunaka gentekunataka llakichinmi, ayudanmi” nishpa. Shinallatak shuktakkunaka ninmi: “Mana alli gentekunataka, Dioska uku pachapimi unay unaykama rupachun kachan” nishpa.
BIBLIAPIKA KAYTAMI YACHACHIN. Eclesiastés 9:5 versopika ninmi: “Wañushkakunaka, imatapash na yachanchu” nishpa. Chaymantami wañushkakunaka uyaytapash, rikuytapash, parlaytapash, yuyaytapash mana ushankuna. Shinaka, wañushkakunaka pitapash ayudayta, llakichitapash mana ushankunachu (Salmo 146:3, 4).
Kay versokunatapash liyinki: Génesis 3:19; Eclesiastés 9:6, 10.
GENTEKUNAKA, IMAMANTATAK KAY TAPUYTA RURANKUNA. Tukuykunami ñukanchik familiakunawan, amigokunawan kushikushpa kawsankapak munanchik. Chaymantami shuk familia, shuk amigo wañukpika, kutin rikunkapak munanchik.
BIBLIAPIKA KAYTAMI YACHACHIN. Wañushkakunaka kawsarinkami. Jesuska kashnami nirka: ‘Wañushpa pampay tukushkakunaka, tukuyllami ñuka rimakta uyashpaka kawsarinka’ nishpa (Juan 5:28, 29). Chay wañushkakuna kawsarishpaka, maypitak kawsanka. Dioska shuk kuyaylla, alhaja paraíso Allpapi gentekuna kawsachunmi munarka. Shinaka, wañushkakuna kawsarishpaka paraíso Allpapimi kawsankakuna (Isaías 65:21-25). Shinallatak, shamuk punchakunapika Diosta kasuk gentekunapashmi mana wañushpa, mana unkushpa chay paraíso Allpapi kawsankakuna. Chaymantami Bibliapika nin: Justokunami, “llaktataka japinka. Chay llaktapika, kawsaytami kawsanakunka” nishpa (Salmo 37:29).
Kay versokunatapash liyinki: Job 14:14, 15; Lucas 7:11-17; Hechos 24:15.
GENTEKUNAKA, IMAMANTATAK KAY TAPUYTA RURANKUNA. Maykan religionmanta kashpapash, gentekunaka ninmi: “Diostaka mañanchikmi. Shinapash, Dioska ñukanchik mañashkakunataka mana uyanchu” nishpa.
BIBLIAPIKA KAYTAMI YACHACHIN. Mañanata yachachikushpaka Jesuska nirkami: “Diosta mañakushpaka, ama chay shimikunatallata kutin kutin tikrashpa mañankichu” nishpa (Mateo 6:7). Shinaka, ñukanchikpa mañashkakunata Dios uyachun munashpaka, mana chay shimikunatallatak kutin kutin ninachu kanchik. Ashtawanpash, Dios munashka shinami mañana kanchik. Dios munashka shina mañankapakka, Diospa munay maykan kashkatami yachana kanchik. Chaymantami, 1 Juan 5:14 versopika nin: ‘Pay munashkashna ñukanchi imata mañakuktapash, Dioska uyanllami’ nishpa.
Kay versokunatapash liyinki: Salmo 65:2; Juan 14:6; 16:23, 24; 1 Juan 3:22.
GENTEKUNAKA, IMAMANTATAK KAY TAPUYTA RURANKUNA. Achka gentekuna ninmi: Kushilla kawsankapakka achka kullkita, tukuy gentekunapa respetota charinami ministirin nishpa. Chaymantami, paykunaka chay cosaskunatalla maskashpa kawsankuna. Achka kullkita charishpapash, shuktak gentekunapa respetota charishpapash, gentekunaka mana kushilla kawsankunachu.
BIBLIAPIKA KAYTAMI YACHACHIN. Jesuska nirkami: “Diosmanta yachakunkapak, paykunapak shunkupi ninanta [achkata] munakkunaka, ninantami kushikun” nishpa (Mateo 5:3). Jesús nishka shinaka, kushilla kawsankapakka, Diospa munaytami Bibliapi yachakuna kanchik. Shinallatak, Bibliapa consejokunata ñukanchik kawsaypi paktachishpaka alli, kushillami kawsashun (Lucas 11:28).
Kay versokunatapash liyinki: Proverbios 3:5, 6, 13-18: 1 Timoteo 6:9, 10.
Kay hojapika, sukta ministirishka tapuykunamanta Biblia imata yachachishkatami rikushkanchik. Shinapash, ashtawan yachakunkapak munankimanchu. Diosmanta ashtawan yachakunkapak munashpaka allimi kan. Wakinpika yuyankichari: “Ñukanchikta Dios kuyashpaka, imamantatak llakikuna tiyachun sakishka. Shinallatak, familiawan kushilla alli kawsankapakka, imatatak rurana kani” nishpa. Kay tapuykunamantaka, Bibliami ashtawan yachachin.
Kay tapuykunamanta Biblia yachachikpipash, achka gentekunaka mana liyinkapak munankunachu. Paykunaka ninkunami: “Bibliata intindinaka sinchimi kan” nishpa. Gentekuna shina nikpipash, Bibliapa yachachishkakunata ashtawan intindinkapak munankimanchu. Bibliata ashtawan alli intindichunka, Jehovamanta willakkunaka imatatak rurashkakuna.
Jehovamanta willakkunaka, Imatatak Bibliaka yachachin nishka librotami llukchishkakuna. Kay libroka, gentekunapa tapuykunamanta Bibliawan yachachinkapakmi kan. Shinallatak, Jehovamanta willakkunaka gentekunapa wasikunaman rishpami, Bibliamanta asha asha yachachinkuna. Kan munakpika, kanpa wasiman rishpami tukuy semanakuna Bibliamanta yachachinkakuna. Bibliamanta yachachishpaka mana kullkita mañankunachu. Waranka waranka gentekunami, Bibliataka kashna yachakushkakuna. Achka gentekunakarin nishkami: “Achka tapuykunamantaka, Bibliapimi alli yachakushkani” nishpa.
Bibliapa yachachishkakuna alli kashkataka, kanpashmi yachay ushanki. Bibliapa yachaykunaka, panta krishkakunata, mana alli yuyaykunata sakichunmi ayudan. Chaymantami Jesuska nirka: “Na llullashpa willashkami, kankunataka kacharichinka” nishpa (Juan 8:32). Shinaka imashinami rikukushkanchik, Bibliaka kushilla, alli kawsachunmi ayudan.
2008 watapi rurashka |
 |