Imashinatak yachayta ushanki imatami Dios mañakta

1. Bibliaka Diospa jatun sumak kushkami kan. Shuk llakik tayta paypa wawakunaman escribishpa kachashka shinami kan. Diosmanta imatapash mana pakashpa tukuytami nin: imashinami pay kan, imakunatami mañaktapash ninmi. Llakipi kashpa imashina ñawpaman llukshinata rikuchin, kushilla kawsayta imashina tarinatapash rikuchinmi. Bibliapillami nikun imatami rurana kanchik Diospa ñawpapi alli rikurinkapak (Salmo 1:1-3; Isaías 48:17,18).

2. Bibliataka 40 runakunami escribirka, 1513 a.E.C. watamanta kallarishpa, 1.600 watakuna kipami tukuchirka. Bibliapika 66 uchilla librokunami tiyan. Escribichunka Diosmi paypa espirituta kurka. Shinaka Diospa yuyaykunatami escribishpa churarka. Chaymantami, Bibliapi yuyaykunaka mana pi runapachu kan, jawa pachapi kawsak Diospami kan (2 Timoteo 3:16,17; 2 Pedro 1:20,21).

3. Dioska rikurakurkami, tukuy paypa yuyaykunata Bibliapi churachun. Biblia chinkarichunpash mana sakishkachu. Tukuy librokunamantaka Bibliatami ashtawan rurashka. Bibliata yachakukukpi, ama yachakuychu nikpika ama kasunkichu. Llakikuna jawapash Diosmanta yachakushpa paypa munayta rurashpallami, mana tukuri kawsaytaka charinki (Mateo 5:10-12; Juan 17:3).

Copyright © 2008 Watch Tower Bible and Tract Society of Pennsylvania. All rights reserved.