Pitak Dios kan

1. Runakunaka achka cosastami Diosta shina adoran. Shinapash, Bibliaka SHUKLLA Dios tiyan ninmi. Paymi, jawa pachapi Allpapi tukuy ima tiyaktaka rurarka. Ñukanchikmanpash kawsayta kushkamantaka, paytallami adorana kanchik (1 Corintios 8:5, 6; Apocalipsis [Revelación] 4:11).

2. Dios nishpa riksikpipash, payka shuk shutita charinmi. Paypa shutika JEHOVAmi kan. Achka Bibliakunapika Diospa shutita anchuchishkami, chaypak rantika Apunchik mana kashpaka Dios nishpami churashka. Shinapash, Bibliata escribikpika, Jehová shutika 7.000 kutinkamami tiyakun (Éxodo 3:15, NM; Salmo 83:18, NM).

3. Jehovaka shuk cuerpota charinmi, ñukanchikpa shinaka mana kanchu. Bibliaka ninmi “Tayta Dioska, Espiritumi” (Juan 4:24). Shuk espirituka ñukanchikpa shina cuerpotaka mana charinchu, shuk ashtawan alli cuerpotami charin. Diostaka pipash mana rikushkachu. Jehová jawa pachapi kawsashpapash, tukuytami rikukun (Salmo 11:4, 5; Juan 1:18). Espíritu santoka imatak kan. Dios shinaka mana kanchu, Diospa ushaymi kan, kay ushaywanmi paypa munayta paktachin (Salmo 104:30).

4. Bibliaka parlanmi imashina Jehová kakta. Kuyak, jatun alli yachak, jatun ushayta charik, justopash kan ninmi (Deuteronomio 32:4; Job 12:13; Isaías 40:26; 1 Juan 4:8). Shinallatak Bibliaka Jehovamanta ninmi, llakik kakta, alli shunku kakta, kishpichik kakta, mana mitsa kakta mana ñapash piñarik kaktapash ninmi. Kasuk churikuna shina, pay shina kankapak munana kanchik (Efesios 5:1, 2).

Bibliamanta yachakushpa, rurashkakunata rikushpa Diosmanta yachakun-chikmi

5. Runakunapa makiwan rurashka dioskunapa ñawpapi, cuadrokunapa ñawpapi uray kumurishpa mañanachu kanchik. Mana (Éxodo 20:4, 5). Jehovaka paytallami adorana kanchik ninmi. Payta adoranapak rantika imakunatapash adorachunka mana munanchu. Ashtawankarin, runakunapa makiwan rurashka dioskunaka ayudankapak mana ushayta charinchu (Salmo 115:4-8; Isaías 42:8).

6. Imashinatak Diosta ashtawan alli riksita ushanchik. Kallarinkapakka Diospa rurashkakunata rikuna kanchik, chay kipaka yuyana kanchik imatami chay rurashkakuna Diosmanta yachachin. Jawa pachapi Allpapi rurashkakunaka rikuchinmi jatun ushayta charishkata, jatun alli yachayta charishkatapash. Tukuy rurashkakunapimi paypa kuyayta rikunchik (Salmo 19:1-6; Romanos 1:20). Diosta ashtawan alli riksinkapakka Bibliatapash yachakunami kanchik. Chaypika rikuchinmi imakunatami Dios ruranka. Ñukanchikmanta imata mañaktapash ninmi (Amós 3:7; 2 Timoteo 3:16, 17).

Copyright © 2008 Watch Tower Bible and Tract Society of Pennsylvania. All rights reserved.