 |
Beliefs | Future | Medical | Topics | Contact Us | Publications | Languages |
| Imatak Dios ñukanchikmanta mañan | 16 yachay  |
Diospa munayta rurankapak munankichu |
|
 |
Dioswan alli kankapakka, imatatak rurana kanki. (1, 2) |
|
Imashinatak Diosman minkarina kanki. (1) |
|
Imatatak rurana kanki manarak bautizarishpallatak. (2) |
|
Imashinatak sinchi tukuyta ushanki Diosmanta ama karuyankapak. (3) |
1. Dioswan alli kankapakka, Bibliamantami alli yachakuna kanki (1 Timoteo 2:3, 4), imakunatami yachakushkata krina kanki (Hebreos 11:6), juchakunamanta nanarinami kanki (Hechos 17:30, 31), kanpa punta mana alli kawsaytapash sakina kanki (Hechos 3:19). Chay kipa Diosta kuyaymanta payman minkarina kanki. Kayka nisha ninmi, kanlla kashpa Diosta mañana kanki, kunanmanta ñawpaman kanpa munayta rurakrini nishpa (Mateo 16:24; 22:37). 2. Bibliata yachakushka kipa, Diosman ña minkarishka kashpaka bautizarinami kanki (Mateo 28:19, 20). Shinami tukuykunaman rikuchinki Diosman ña minkarishkata. Diosmanta alli yachakushpa, paypa munayta rurankapak munakkunallami bautizarina kan. Shuk runa bautizarikukpika, tukuylla paypa cuerpotami yakupi pampashpa llukchina kan* (Marcos 1:9, 10; Hechos 8:36). 3. Diosman ña minkarishka kaymantaka, Jehová shuyanmi imashina rurasha nirkanki shina rurachun (Salmo 50:14; Eclesiastés 5:4, 5). Jehovapa munayta ama rurachunmi Diabloka llakikunata churanka (1 Pedro 5:8). Mañayta rurashpa Diosman kuchuyay (Filipenses 4:6, 7). Diospa shimita tukuy punchakuna ashtawan yachakuy (Salmo 1:1-3). Congregacionmantaka ama karuyankichu (Hebreos 13:17). Kay tukuyllata rurashpaka, sinchi tukuyta ushankimi Diosmanta ama karuyankapak. Diospa munaytapash unaykama paktachita ushankimi. Ashtawan informacionta munashpa, kanpa wasipillatak Bibliata yachakunkapak munashpapash, Jehovamanta willakkunapa direccionman escribina kanki, mana kullkita mañashunchu. Sucursalkunapa direccionkuna
|
