 |
Beliefs | Future | Medical | Topics | Contact Us | Publications | Languages |
| ¿Imatan Dios munan ñoqanchismanta? | 2 Lección  |
¿Pitaq Diosri? |
|
 |
¿Pitaq cheqaq Diosri, imataq sutinri? (1, 2) |
|
¿Imayna cuerpoyoqtaq Diosri? (3) |
|
¿Mayqenkunataq Diospa sumaq kayninkunari? (4) |
|
¿Hap’inanchischu imagenkunata Diosta adorananchispaq? (5) |
|
¿Imaynatan Diosmanta yachaswan? (6) |
1. Imaymanatan runaqa adoran. Biblian ichaqa niwanchis ch’ullalla CHEQAQ Dios kasqanta. Paymi kamarqan imaymanata cielopipas kay Pachapipas, paytaq kawsayta qowanchis chayqa, payllatan adorananchis. (1 Corintios 8:5, 6; Revelación (Apocalipsis) 4:11.)
2. Askhaña Diospa titulonkuna chaypas, ch’ullallan sutinqa: JEHOVÁ. Diospa sutinqa askha Bibliakunapin mana rikhurinchu, Señor otaq Dios nispan sutinpa rantinta qelqanku. Bibliata qelqashaqtinkun ichaqa, 7,000 kutita hina Jehová sutiqa rikhurirqan. (Éxodo 3:15; Salmo 83:18.) 3. Jehovaqa cuerpoyoqmi, manan ichaqa ñoqanchispa hinachu. “Diosqa Espíritun”, ninmi Biblia. (Juan 4:24.) Espirituqa manan ñoqanchis hinachu aswan atiyniyoqmi. Manan hayk’aqpas Diostaqa pi runapas rikurqanchu. Cielopiña Jehová tiyan chaypas, imaymanatan rikumun. (Salmo 11:4, 5; Juan 1:18.) ¿Imataq santo espirituri? Manan Dios hina personachu, Diospa fuerzanmi. (Salmo 104:30.) 4. Biblian willawanchis Jehovapa imayna kayninmanta. Payqa munakuq, chaninniyoq, yachayniyoq, poderniyoqmi. (Deuteronomio 32:4; Job 12:13; Isaías 40:26; 1 Juan 4:8.) Nillantaqmi khuyapayakuq, sumaq sonqo, pampachakuq, mana maqlla, pacienciayoq kasqanmantapas. Paymanmi rikch’akunanchis kasukuq churikuna hina. (Efesios 5:1, 2.)
5. ¿K’umuykunanchischu, orananchischu imagenkunaman, cuadrokunamanpas? Manan. (Éxodo 20:4, 5.) Jehovallatan adorananchis chaytan pay kamachin. Manan piwanpas nitaq imawanpas Dios kaynintaqa partenakunmanchu. Imagenkunaqa manan poderniyoqchu yanapawananchispaq. (Salmo 115:4-8; Isaías 42:8.) 6. ¿Imaynatan Diosta allinta reqsiswan? Imaymana kamasqanta qhawarispa, chaykunapi allinta piensaspa. Diospa kamasqankunan rikuchiwanchis tukuy atiyniyoq, ancha yachayniyoq kasqanta. Imaymana ruwasqanpin munakuyniyoq kasqanta rikunchis. (Salmo 19:1-6; Romanos 1:20.) Bibliata estudiaspan Diosmantaqa astawan yachallasuntaq. Chaypin payqa astawan willawanchis imayna Dios kasqanta. Willawallanchistaqmi munayninmantapas ima ruwananchista munasqanmantapas. (Amós 3:7; 2 Timoteo 3:16, 17.) |
|
2001 watapi lloqsimun |
 |
Copyright © 2008 Watch Tower Bible and Tract Society of Pennsylvania. All rights reserved. |
|
