¿Pitaq Diablori?

1. “Diablo” simiqa huk personamanta millay llullakuna rimaq ninantan. “Satanastaq” enemigo otaq contrapi churakuq ninanta. Kay simikunan allinta sutichan Diospa enemigonta. Qallariypiqa perfecto angelmi karan Dioswanmi cielopi tiyaran, chaymantan ichaqa hatunchakuran Diosllata adorana kashaqtin paypas adoranata munaspa. (Mateo 4:8-10.)

2. Kay ángel, Satanasmi, Evawan rimaran mach’aqwayninta, llullakuspataq Diospa contranpi churachiran. Chaywanmi, Satanasqa Diospa “kamachinanpaq derechonpa” contranpi sayariran, Diosllapuni kamachiq kasqanta iskayachispa. Diospa gobiernon runakunaq allinninpaq kasqantan Satanasqa iskayachiran. Manan pi runapas Diosman leal kanqachu nispas niran. Chhaynata k’amispan Diospa enemigonman tukuran. Chaymantan chaskin Satanás Diablo sutita. (Génesis 3:1-5; Job 1:8-11; Revelación 12:9.)

3. Satanasqa payta adorananpaqmi runata engañayta munan. (2 Corintios 11:3, 14.) Chaytaqa ruwan falsa religionwanmi. Sichus ima religionpas mana cheqaqtachu Diosmanta yachachin chayqa, Satanaspa munaynintan ruwan. (Juan 8:44.) Falsa religionpi kaqkunaqa tukuy sonqowanpaschá ninku cheqaq Diostan adorayku, nispa, Satanastan ichaqa servishanku, paymi kay ‘pachapa diosnin’. (2 Corintios 4:4.)

Falsa religionpas, espiritismopas, nacionalismopas runatan engañan

4. Espiritismowanmi Satanasqa runata manejan. Espiritukunatapaschá wakinqa waqyanku yanapananpaq, hukkuna ñak’arichinanpaq, hamuq tiempomanta willananpaq, milagrokuna ruwananpaqpas. Satanasmi kallpachan kay millay ruwaykunata. Diosta kusichiyta munaspaqa, karunchakunanchismi ima clase espiritismomantapas. (Deuteronomio 18:10-12; Hechos 19:18, 19.)

5. Satanasqa engañallantaqmi organizaciones políticas nisqata adorachispa, huk razamanta kaspa sinchi orgulloso kaywanpas. Wakinmi qhawanku huk nacionmanta, huk razamanta runata paykunamanta aswan pisita hina. Manan chhaynachu. (Hechos 10:34, 35.) Hukkunataqmi confianku organizaciones políticas nisqapi runaq probleman allichananpaq. Chaymi Diospa Reinonta rechazanku, chay Reinon problemanchiskunata allichanqa. (Daniel 2:44.)

Satanaspa contranpi kay Jehovamanta yachashallaspa

6. Satanasqa engañallantaqmi huchallikunapaq munaykunawan runata tentaspa. Jehovaqa manan munanchu ñak’arinanchista chaymi niwanchis huchaman urmachiq ruwaykunamanta ayqekunanchispaq. (Gálatas 6:7, 8.) Wakinqa munanmanmi paykunawan kuska huchallikunaykita. Yuyariy ichaqa, Satanasmi munan millaykuna ruwanaykita. (1 Corintios 6:9, 10; 15:33.)

7. Jehová saqenaykipaqmi Satanasqa, cheqnichisunki qatikachachisunkipas. Wakinpaschá munasqa familiaykimanta sinchita phiñakunqaku Biblia estudiasqaykiwan. Hukkunaqa burlakunqakupaschá. Ichaqa, ¿pin vidata qosunki? Satanasqa manchakunaykitan munan Jehovamanta mana yachanaykipaq. Ama atipachikuychu. (Mateo 10:34-39; 1 Pedro 5:8, 9.) Satanasta qhepanchaspaqa, Jehovatan kusichinki kamachinanpaq derechonta yanapasqaykitataq rikuchinkipas. (Proverbios 27:11.)

Copyright © 2008 Watch Tower Bible and Tract Society of Pennsylvania. All rights reserved.