¿Imatan Dios munan Allpapaq?

1. Jehovaqa kay Allpata kamaran runaq wiñay tiyananpaqmi. Payqa munaranmi kusisqa chanin runakunaq kawsananta. (Salmo 115:16; Isaías 45:18.) Manan haykáqpas Allpaqa chinkanqachu; wiñaypaqmi kallanqa. (Salmo 104:5; Eclesiastés 1:4.)

2. Manaraq runata ruwashaspan, Allpapi huk parteta Diosqa akllaran, sumaq huertaman tukuchispataq “Edén huerta”, nispa suticharan. Chaypin churaran ñawpaq warmi-qharita: Adanta Evatawan. Diosqa munaranmi wawakunayoq kaspa Allpantinpi tiyanankuta. Pisi pisimantan Allpata paraisoman tukuchinanku karan. (Génesis 1:28; 2:8, 15.)

Chinkasqa paraíso

3. Yachashaspan Adanwan Evawanqa huchallikuranku Diospa leyninta mana kasukuspa. Chaymi, Edén huertamanta Jehovaqa qarqomuran, paraisotaq chinkapuran. (Génesis 3:1-6, 23.) Jehová ichaqa mana qonqanchu Allpapaq munasqanta. Payqa prometen paraisoman tukuchispa runakunata wiñaypaq tiyachiytan. ¿Imaynatan ruwanqa? (Salmo 37:29.)

4. Paraisoman Allpa tukunanpaqqa millay runan chinkanan. (Salmo 37:38.) Armagedonpin tukunqa, Armagedonqa millaykuna tukuchinanpaq Diospa guerranmi. Chay qhepamanmi, Satanasqa waranqa wata wisq’asqa kanqa, chaymi Allpapi waqllichiq millay runaqa manaña kanqachu. Diospa llaqtallanmi salvasqa kanqa. (Revelación 16:14, 16; 20:1-3.)

5. Chay qhepamanmi Jesucristo waranqa wata Allpata kamachimunqa (Revelación 20:6) pisi pisimantataq huchata tukuchinqa yuyayninchismantapas cuerponchismantapas. Imaynan Adanpas Evapas manaraq huchallikushaspaqa perfecto karanku, ahinan ñoqanchispas kasunchis. Manan onqoypas, machuyaypas, wañuypas kanqañachu. Onqosqakunapas hampisqan kanqaku, machupayakunapas jovenmanmi tukunqaku. (Job 33:25; Isaías 33:24; Revelación 21:3, 4.)

6. Jesuspa Waranqa Wata Kamachikuyninpiqa, Diosman fiel runakunan llank’anqaku Allpantinta paraisoman tukuchinankukama. (Lucas 23:43.) Millonninpi wañusqakunapas kawsarimuspan kay Allpapi tiyanqaku. (Hechos 24:15.) Diospa munasqanta kasukuspaqa, wiñaypaqmi kay Allpapi kawsanqaku. Mana chayqa, wiñaypaq wañuchisqan kanqaku. (Juan 5:28, 29; Revelación 20:10-15.)

7. Chhaynatan hunt’akunqa qallariymantapacha Allpapaq Diospa munaynin. ¿Munawaqchu Diospa bendicionninkuna chaskiyta? Chhaynaqa, yachashanallaykin Jehovamanta, kasunaykitaq kamachikuyninkunatapas. Chaykunapi yanapasunaykipaqmi llaqtaykipi Testigos de Jehováq Salón del Reinonpi huñunakuyman rinayki. (Isaías 11:9; Hebreos 10:24, 25.)

Armagedón qhepatan, Allpaqa paraisoman tukunqa

Copyright © 2008 Watch Tower Bible and Tract Society of Pennsylvania. All rights reserved.