 |
Beliefs | Future | Medical | Topics | Contact Us | Publications | Languages |
| ¿Imatan Dios munan ñoqanchismanta? | 9 Lección  |
Diosta serviqkunaqa limpion kananku |
|
 |
¿Imaraykun limpio kananchis imaymanapi? (1) |
|
¿Iman espiritualpi limpio kay? (2) ¿Kawsaypi limpio kay? (3) ¿Yuyaypi limpio kay? (4) ¿Cuerpopi limpio kaypas? (5) |
|
¿Ima qhelli rimaykunatan mana rimanachu? (6) |
1. Jehová Diospa ch’uyan, limpiotaq. Chaymi munan adoraqninkuna limpio kananta espiritualpi, kawsayninkupi, yuyayninkupi cuerponkupipas. (1 Pedro 1:16.) Diospa qhawamunanpaq limpio kanapaqqa anchatan kallpachakunanchis. Qhelli mundopin kawsanchis. Atipanallanchistaqmi, mana allin ruway munasqanchistapas. Manan ichaqa pisipananchischu. 
2. Espiritualpi limpio kay: Jehovata serviyta munaspaqa, manan hap’ipakunachu pantasqa religionpa yachachisqanman, costumbrenmanpas. Lloqsipunan pantasqa religionmanta manataq imawanpas yanapananchischu. (2 Corintios 6:14-18; Revelación 18:4.) Diosmanta cheqaqta yachaspaqa, manañan engañachikunachu pantasqa yachachiqkunawan. (2 Juan 10:11.) 3. Kawsaypi limpio kay: Jehovan munan payta adoraqkunaqa cheqaq cristiano hina maypipas sumaq kawsayniyoq kanankuta. (1 Pedro 2:12.) Payqa rikunmi ima ruwasqanchistapas, pakallapi ruwasqatapas. (Hebreos 4:13.) Qhelli kawsaymantan ayqekunanchis, kay pachapi millay ruwaykunamantapas. (1 Corintios 6:9-11.) 4. Yuyaypi limpio kay: Limpio pensamientokunawan yuyayninchista hunt’achisun chayqa, kawsayninchispas limpion kanqa. (Filipenses 4:8.) Millaykunallapi piensaqtinchistaq, millay ruwaykunapi urmasun. (Mateo 15:18-20.) Ayqekunanchismi yuyayninchis qhellichaq ruwaykunamanta. Diospa Palabranta estudiaspaqa, yuyayninchistan hunt’achisun limpio pensamientokunawan. 5. Cuerpopi limpio kay: Cristianokunaqa Diostan representanchis, chaymi limpio kananchis cuerpopipas p’achapipas. Mayllikunan makinchista, mikhunapaq, mikhuna hap’inapaq, bañoman risqanchis qhepamanpas. Wasiykipi baño mana kaqtinqa, p’ampanaykin hatun hisp’ayniykita. (Deuteronomio 23:12, 13.) Cuerponchis limpio kaqtinqa saludninchispas allinmi kanqa. Cristianoq wasinqa sumaq allichasqa limpion kanan ukhunpas hawanpas, Comunidadpiqa allin ejemplon kananku. 6. Limpio rimay: Diosta serviqkunaqa cheqaqllatan rimananku. Llullakunaqa manan haykunqachu Diospa Reinoman. (Efesios 4:25; Revelación 21:8.) Cristianokunaqa manan millay rimaqchu. Manan uyarinkuchu nitaq willanakunkuchu qhelli rimaytapas, millay chansakunatapas. Allin reqsisqan kanku trabajopi, escuelapi, comunidadpipas limpio rimayniyoq kasqankurayku. (Efesios 4:29, 31; 5:3.)
|
2001 watapi lloqsimun |
 |
Copyright © 2008 Watch Tower Bible and Tract Society of Pennsylvania. All rights reserved. |
|
