 |
Beliefs | Future | Medical | Topics | Contact Us | Publications | Languages |
| ¿Imatan Dios munan ñoqanchismanta? | 10 Lección  |
Diospa cheqnisqan ruwaykuna |
|
 |
¿Imaynatan rikunayki Diospaq mana allin kaqkunata? (1) |
|
¿Ima ruwaykunan qhelli kawsay kanman? (2) |
|
¿Imaynatan cristianokuna rikunanku llullakuyta? (3) ¿Qolqepaq pukllayta? (3) ¿Suwakuyta? (3) ¿Sinchi phiñakuyta? (4) ¿Espiritismota? (5) ¿Machaytapas? (6) |
|
¿Imaynatan librakuswan millay ruwaykunamanta? (7) |
1. Diosta serviqkunaqa allinkaqtan munakunku, yachanankun ichaqa millay ruwaykuna cheqniyta. (Salmo 97:10.) Diospa cheqnisqan ruwaykunamantan karunchakunanku. ¿Imakunataq chaykunari? 2. Fornicación: Mana casarasqa warmi-qhari puñuypas, adulteriopas, bestialidadpas, incestopas, homosexualidadpas Diospa contranpi hatun huchallikuymi. (Levítico 18:6; Romanos 1:26, 27; 1 Corintios 6:9, 10.) Mana casarakuspa warmi-chari tiyanku chayqa t’aqakunankun, otaq concejopi casarakunanku. (Hebreos 13:4.)
3. Llullakuy, qolqepaq pukllay, suwakuy: Jehová Diosqa manan llullakunmanchu. (Tito 1:2.) Chayraykun Diospa aprobasqan kayta munaqqa mana llullakunanchu. (Proverbios 6:16-19; Colosenses 3:9, 10.) Llapanmi qolqepaq pukllaykunaqa ambicioso kayta yachachin. Chaymi cristianokunaqa mana pukllankuchu loteriapipas, bingopipas, huk clase pukllaykunapipas nitaq apostankuchu carrera de caballopipas. (Efesios 5:3-5.) Manan suwakunkuchu nitaq rantinkuchu imatapas suwasqa kasqanta yachaspaqa, nitaq ch’inllaqa imatapas apakunkuchu. (Éxodo 20:15; Efesios 4:28.) 4. Sinchi phiñakuy: Sinchi phiñakuyqa millay kaymanmi apanman. (Génesis 4:5-8.) Millaykunaqa manan Diospa amigon kankumanchu. (Salmo 11:5; Proverbios 22:24, 25.) Manan vengakunachu nitaq mana allinwanqa pimanpas kutichinachu. (Proverbios 24:29; Romanos 12:17-21.) 5. Layqapas espiritismopas: Wakinqa espiritukunatan waqyanku onqoykuna hampiyta yanapananpaq. Hukkunataq enemigonkuta layqachinku onqonanpaq otaq wañunanpaqpas. Satanasmi kallpachan kay millay ruwaykunata. Chayraykun cristianokunaqa mana chaykunata ruwanankuchu. (Deuteronomio 18:9-13.) Jehovamanmi hap’ipakunanchis layqakunamanta pakawananchispaq. (Proverbios 18:10.) 6. Machay: Vinota, cervezata, huk tragotapas pisilla tomayqa manan huchachu. (Salmo 104:15; 1 Timoteo 5:23.) Diosmi ichaqa mana munanchu ñishu ukyanata nitaq machanatapas. (1 Corintios 5:11-13; 1 Timoteo 3:8.) Ñishu ukyayqa onqochisunkin familiaykitapas perjudicanmanmi. Faciltan ima tentacionmanpas urmayachisunkiman. (Proverbios 23:20, 21, 29-35.) 7. “Diospa reinonmanqa manan haykunqakuchu” Paypa mana munasqanta ruwaqkunaqa. (Gálatas 5:19-21.) Diosta cheqaqta munakunki, kusichiytapas munanki chayqa atinkin millay ruwaykuna saqeyta. (1 Juan 5:3.) Diospa mana munasqan ruwaykunata cheqnikuy. (Romanos 12:9.) Diosta respetaq runakunallawan huñukuypas, puriypas. (Proverbios 13:20.) Experienciayoq hermanokunan allin yanapaqninchis kankuman. (Santiago 5:14.) Aswantaqa oracionpi Diosta mañakuy imapipas yanapasunaykipaq. (Filipenses 4:6, 7, 13.) |
||
2001 watapi lloqsimun |
 |
Copyright © 2008 Watch Tower Bible and Tract Society of Pennsylvania. All rights reserved. |
|
