Diosta servinaykipaq decidikuyniyki

1. Diospa amigon kanaykipaqqa, Bibliamanta cheqaqtan allinta yachanayki (1 Timoteo 2:3, 4), yachasqaykikunapin iñinayki (Hebreos 11:6), huchaykimantan pesapakunayki (Hechos 17:30, 31) ñawpa kawsayniykitapas saqepunaykin. (Hechos 3:19.) Chaymantaqa Diosta munakusqaykin tanqasunayki payman qokunaykipaq. Chaymi, sapallayki, oracionpi Diosta ninayki munayniyki ruwanaypaqmi qanman entregakuni, nispa. (Mateo 16:24; 22:37.)

2. Payman qokunaykikama Diospa Palabranta estudiaspaykiqa, bautizakunaykin. (Mateo 28:19, 20.) Jehovaman qokusqaykitan bautismoqa llapa runakunaman rikuchin. Chayraykun bautizakuspa Diosta servinankupaq decidikuqkunaqa yuyayniyoqña kananku. Bautizakuqkunaqa, huk ratollan unuwan p’ampasqa kanku.* (Marcos 1:9, 10; Hechos 8:36.)

3. Qokusqayki qhepamanqa, prometesqaykiman hina kawsanaykitan Jehová Diosqa munan. (Salmo 50:14; Eclesiastés 5:4, 5.) Jehová servinaykitan Diabloqa hark’akunqa. (1 Pedro 5:8.) Diosman ichaqa oracionpi asuykuy. (Filipenses 4:6, 7.) Sapa p’unchay Diospa Palabranta estudiay. (Salmo 1:1-3.) Congregacionmanta ama karunchakuychu. (Hebreos 13:17.) Kaykunata ruwanki chayqa, Diosman fiel kanaykipaqmi kallpata tarinki. Wiñaypaqmi atinki Diospa munasqan ruwayta.

Astawan yachayta munanki otaq Bibliatapas gratis estudiayta munanki chayqa, Jehovaq testigonkunaq sucursalninman escribimuy. Direccionkuna

* Bautizakunapaqqa El conocimiento que lleva a vida eterna librotan estudiana, otaq chayman rikch’akuq huk librotapas Watch Tower Bible and Tract Sociedadpa ruwasqanta.

Copyright © 2008 Watch Tower Bible and Tract Society of Pennsylvania. All rights reserved.