¿Pitaq Diablo?

1. “Diablo” palabraqa huk runamanta llullakuna rimaq ninanmi. “Satanastaq” enemigo otaq contrapi churakuq ninan. Kay palabrakunam allinta sutichan Diospa enemigonta. Qallariypiqa perfecto angelmi karqa Dioswanmi cielopi yacharqa, chaymantam ichaqa hatunchakurqa Diosllata adorana kachkaptin paypas adorasqa kayta munaspan. (Mateo 4:8-10.)

2. Kay ángel, Satanasmi, Evawan rimarqa culebrantakama, llullakuspataq Diospa contranpi churachirqa. Chaywanmi, Satanasqa Diospa “kamachinanpaq derechonpa” contranpi sayarirqa, Diosllapuni kamachiq kasqanta iskayachispa. Diospa gobiernon runakunapa allinninpaq kasqantam Satanasqa iskayachirqa. Manam pi runapas Diosman leal kanqachu nispa nirqa. Chaynata rimaspam Diospa enemigonpi rikurirqa. Chaymantam chaskin Satanás Diablo sutita. (Génesis 3:1-5; Job 1:8-11; Revelación 12:9.)

3. Satanasqa payta adorananpaqmi runata engañayta munan. (2 Corintios 11:3, 14.) Chaytaqa ruran pantasqa religionwanmi. Sichus ima religionpas mana cheqaptachu Diosmanta yachachin hinaspaqa, Satanaspa munaynintam ruran. (Juan 8:44.) Pantasqa religionpi kaqkunaqa tukuy sonqowanpaschá ninku cheqap Diostam adoraniku nispa, Satanastam ichaqa servichkanku, paymi kay ‘pachapa diosnin’. (2 Corintios 4:4.)

Pantasqa religionpas, espiritismopas, nacionalismopas runatam engañan

4. Espiritismowanmi Satanasqa runata controlan. Espiritukunatapaschá wakinqa qayanku yanapananpaq, hukkuna ñakarichinanpaq, hamuq tiempomanta willananpaq, milagrokuna rurananpaqpas. Satanasmi kallpachan kay mana allin ruraykunata. Diosta kusichiyta munaspaqa, karunchakunanchikmi espiritismomantaqa. (Deuteronomio 18:10-12; Hechos 19:18, 19.)

5. Satanasqa engañantaqmi organizaciones políticas nisqata adorachispa, huk razamanta kaspa llumpay orgulloso kaywanpas. Wakinmi qawanku huk nacionmanta, huk razamanta runata paykunamanta aswan menosta hina. Manam chaynachu. (Hechos 10:34, 35.) Hukkunataqmi confianku organizaciones políticas nisqapi runapa probleman allichananpaq. Chaymi Diospa Reinonta rechazanku, chay Reinom problemanchikkunataqa allichanqa. (Daniel 2:44.)

Satanaspa contranpi kay Jehovamanta hinalla yachaspayki

6. Satanasqa engañantaqmi huchallikunapaq munaykunawan runata tentaspa. Jehovaqa manam munanchu ñakarinanchikta chaymi niwanchik huchaman urmachiq ruraykunamanta ayqekunanchikpaq. (Gálatas 6:7, 8.) Wakinqa munanmanmi paykunawan kuska huchallikunaykita. Yuyariy ichaqa, Satanasmi munan chaykuna ruranaykita. (1 Corintios 6:9, 10; 15:33.)

7. Jehová saqenaykipaqmi Satanasqa, cheqnichisunki qatikachachisunkipas. Wakinpaschá kuyasqa familiaykimanta llumpayta piñakunqaku Biblia estudiasqaykiwan. Hukkunaqa burlakunqakupaschá. Ichaqa, ¿pim vidata qosunki? Satanasqa manchakunaykitam munan Jehovamanta mana yachanaykipaq. Ama vencechikuychu. (Mateo 10:34-39; 1 Pedro 5:8, 9.) Satanasta qepanchaspaqa, Jehovatam kusichinki kamachinanpaq derechonta yanapasqaykitataq rikuchinkipas. (Proverbios 27:11.)

Copyright © 2008 Watch Tower Bible and Tract Society of Pennsylvania. All rights reserved.