Imaynatam oracionpi Diosman asuykuna

1. Oracionqa respetowan Dioswan rimaymi. Orakunanchikpunim Diosmanqa. Chayta ruraspaqa, kuyasqa amigonchikman hinam ratakusun. Jehovaqa hatunmi, atiyniyoqtaq, uyarinmi ichaqa oracionninchikta. ¿Orakunkipunichu Diosman? (Salmo 65:2; 1 Tesalonicenses 5:17.)

2. Oracionqa adorayninchikpa partinmi. Chayraykum, Jehová Diosllaman orakunanchik. Allpapi kachkaspaqa, Taytallanmanmi Jesusqa orakurqa, manam pimanpaschu. Ñoqanchikpas chaynatam rurananchik. (Mateo 4:10; 6:9.) Jesuspa sutinpipunim ichaqa orakunanchik. Chaynatam rikuchinchik Jesuspa posicionnin respetasqanchikta, rescatananpaq sacrificionpi iñisqanchiktapas. (Juan 14:6; 1 Juan 2:1, 2.)

3. Sonqonchikmantam rimananchik Diosman orakuspaqa. Manam recitananchikchu oraciontaqa nitaq rezanapaq libromantachu leenanchik. (Mateo 6:7, 8.) Respetowanqa sayaspapas, kumuspapas qonqorakuspapas orakunchikmanmi, maypipas ima horapipas. Sonqonchikpi orakusqanchiktapas Diosqa uyarinmi. (1Samuel 1:12, 13.) Ñoqanchikpaq mañakuspaqa sapallanchikpim orakunanchik. (Marcos 1:35.)

4. ¿Imakunamantam orakuwaq ? Imamantapas, Dioswan allin kanaykipaq yanapaqtaqa. (Filipenses 4:6, 7.) Padre nuestro oracionmi rikuchin Jehovapa sutinrayku orakunanchikta munaynin rurakunanpaqpas. Mañakunchikmantaqmi imapas necesitasqanchikta qowananchikpaq, huchanchikkuna pampachananpaq, tentacionkuna vencenanchikpaqpas. (Mateo 6:9-13.) Manam munasqallanchiktachu orakunanchik. Diospa munasqanman kaqllatam imatapas mañakunanchik. (1 Juan 5:14.)

5. Sonqoykipi munanki Diosman agradecekuytapas alabaytapas hinaspaqa, orakullawaqmi. (1 Crónicas 29:10-13.) Ama saqeychu oracionniykita problemakuna kaptinpas iñiyniyki probasqa kaptinpas. (Salmo 55:22; 120:1.) Allinmi mikunapaq orakuypas. (Mateo 14:19.) Jehovaqa invitawanchikmi “ima ratopas” orakunanchikpaq. (Efesios 6:18.)

6. Hatun huchaman urmaspaqa, oracionpim Jehovata rogakunanchik, kuyapayaywan pampachaykuwananchikpaq. Diosqa “listom kachkan pampachananpaq” sichu huchanchikta payman willakuspa kallpachakusunchik manaña kaqllamanta chay huchaman hurmanapaq hinaptinqa. (Salmo 86:5; Proverbios 28:13.)

7. Allin ruraqkunapa oracionllantam Jehovaqa uyarin. Chaymi oracionniykita uyarinanpaqqa, anchata kallpachakunayki Diospa kamachisqanman hina kawsanaykipaq. (Proverbios 15:29; 28:9.) Orakuspaykiqa, humildadwanmi rimanayki. (Lucas 18:9-14.) Oracionpi mañakusqaykiman hinam kawsanayki. Chaynatam rikuchinki iñiyniyoq kasqaykita tukuy sonqowan orakusqaykitapas. Chayraqmi Jehovaqa oracionniykita uyarinqa. (Hebreos 11:6.)

Copyright © 2008 Watch Tower Bible and Tract Society of Pennsylvania. All rights reserved.