Diosta serviqkunaqa limpiom kananku

1. Jehová Diosqa chuyam, limpiotaq. Chaymi munan adoraqninkuna limpio kananta espiritualpi, kawsayninkupi, yuyayninkupi cuerponkupipas. (1 Pedro 1:16.) Diospa qawamunanpaq limpio kanapaqqa anchatam kallpachakunanchik. Qacha mundopim kawsanchik. Vencenanchiktaqmi, mana allin ruray munasqanchiktapas. Manam ichaqa pisipananchikchu.

2. Espiritualpi limpio kay: Jehovata serviyta munaspaqa, manam hapipakunachu pantasqa religionpa yachachisqanman, costumbrenmanpas. Lloqsinam pantasqa religionmanta manataq imawanpas yanapananchikchu. (2 Corintios 6:14-18; Revelación 18:4.) Diosmanta cheqapta yachaspaqa, manañam engañachikunachu pantasqa yachachiqkunawan. (2 Juan 10, 11.)

3. Kawsaypi limpio kay: Jehovam munan payta adoraqkunaqa cheqap cristiano hina maypipas sumaq kawsayniyoq kanankuta. (1 Pedro 2:12.) Payqa rikunmi ima rurasqanchiktapas, pakallapi rurasqatapas. (Hebreos 4:13.) Qacha kawsaymantam karunchakunanchik, kay pachapi mana allin ruraykunamantapas. (1 Corintios 6:9-11.)

4. Yuyaypi limpio kay: Limpio pensamientokunawan yuyayninchikta huntachiptinchikqa, kawsayninchikpas limpiom kanqa. (Filipenses 4:8.) Qachakunallapi piensasun hinaspaqa, mana allin ruraymanmi urmaykusun. (Mateo 15:18-20.) Karunchakunanchikmi yuyayninchik qanrachaq ruraykunamanta. Diospa Palabranta estudiaspaqa, yuyayninchiktam huntachisun limpio pensamientokunawan.

5. Cuerpopi limpio kay: Cristianokunaqa Diostam representanchik, chaymi limpio kananchik cuerpopipas pachapipas. Aywikunam makinchikta, mikunapaq, mikuna hapinapaq, bañoman risqanchik qepamanpas. Wasiykipi baño mana kaptinqa, pampanaykim hatun ispayniykita. (Deuteronomio 23:12, 13.) Cuerponchik limpio kaptinqa saludninchikpas allinmi kanqa. Cristianopa wasinqa sumaq allichasqa limpiom kanan ukunpas hawanpas. Comunidadpiqa allin ejemplom kananku.

6. Limpio rimay: Diosta serviqkunaqa cheqapllatam rimananku. Llullakunaqa manam yaykunqachu Diospa Reinonman. (Efesios 4:25; Revelación 21:8.) Cristianokunaqa manam qacha rimaqchu. Manam uyarinkuchu nitaq willanakunkuchu qacha rimaytapas, mana allin bromakunatapas. Allin reqsisqam kanku trabajopi, escuelapi, comunidadpipas limpio rimayniyoq kasqankurayku. (Efesios 4:29, 31; 5:3.)

Diosta serviqkunaqa lliwpim limpio kananku

Copyright © 2008 Watch Tower Bible and Tract Society of Pennsylvania. All rights reserved.