 |
Beliefs | Future | Medical | Topics | Contact Us | Publications | Languages |
| ¿Imatam Dios munan ñoqanchikmanta? | 10 Lección  |
Diospa cheqnisqan ruraykuna |
|
 |
¿Imaynatam rikunayki Diospaq mana allin kaqkunata? (1) |
|
¿Ima ruraykunam qacha kawsay kanman? (2) |
|
¿Imaynatam cristianokuna rikunanku llullakuyta? (3) ¿Qollqepaq pukllayta? (3) ¿Suwakuyta? (3) ¿Llumpay piñakuyta? (4) ¿Espiritismota? (5) ¿Machaytapas? (6) |
|
¿Imaynatam librakuchwan mana allin ruraykunamanta? (7) |
1. Diosta serviqkunaqa allin kaqtam kuyakunku, yachanankum ichaqa mana allin ruraykuna cheqniyta. (Salmo 97:10.) Diospa cheqnisqan ruraykunamantam karunchakunanku. ¿Imakunataq chaykuna? 2. Fornicación: Mana casarasqa warmi qari puñuypas, adulteriopas, bestialidadpas, incestopas, homosexualidadpas Diospa contranpi hatun huchallikuymi. (Levítico 18:6; Romanos 1:26, 27; 1 Corintios 6:9, 10.) Mana casarakuspa warmi qari yachaspankuqa rakinakunankum, otaq concejopi casarakunanku. (Hebreos 13:4.)
3. Llullakuy, qollqepaq pukllay, suwakuy: Jehová Diosqa manam llullakunmanchu. (Tito 1:2.) Chayraykum Diospa aprobasqan kayta munaqqa mana llullakunanchu. (Proverbios 6:16-19; Colosenses 3:9, 10.) Llapanmi qollqepaq pukllaykunaqa ambicioso kayta yachachin. Chaymi cristianokunaqa mana pukllankuchu loteriapipas, bingopipas, imaymana pukllaykunapipas nitaq apostankuchu carrera de caballopipas. (Efesios 5:3-5.) Manam suwakunkuchu nitaq rantinkuchu imatapas suwasqa kasqanta yachaspaqa, nitaq upallallaqa imatapas apakunkuchu. (Éxodo 20:15; Efesios 4:28.) 4. Llumpay piñakuy: Llumpay piñakuyqa mana allin kaymanmi apanman. (Génesis 4:5-8.) Llumpay piñakuqkunaqa manam Diospa amigon kanmankuchu. (Salmo 11:5; Proverbios 22:24, 25.) Manam vengakunachu nitaq mana allinwanqa pimanpas kutichinachu. (Proverbios 24:29; Romanos 12:17-21.) 5. Layqapas espiritismopas: Wakinqa espiritukunatam qayanku onqoykuna hampiyta yanapananpaq. Hukkunataq enemigonkuta layqachinku onqonanpaq otaq wañunanpaqpas. Satanasmi kallpachan kay mana allin ruraykunata. Chayraykum cristianokunaqa mana chaykunata ruranankuchu. (Deuteronomio 18:9-13.) Jehovamanmi hapipakunanchik layqakunamanta pakawananchikpaq. (Proverbios 18:10.) 6. Machay: Vinota, cervezata, huk tragotapas aslla tomayqa manam huchachu. (Salmo 104:15; 1 Timoteo 5:23.) Diosmi ichaqa mana munanchu nisyu tomanata nitaq sinkanatapas. (1 Corintios 5:11-13; 1 Timoteo 3:8.) Nisyu tomayqa onqochisunkim familiaykitapas perjudicanmanmi. Faciltam ima tentacionmanpas urmaykachisunkiman. (Proverbios 23:20, 21, 29-35.) 7. “Diospa reinonmanqa manam yaykunqakuchu” Paypa mana munasqanta ruraqkunaqa. (Gálatas 5:19-21.) Diosta cheqapta kuyakunki, kusichiytapas munankitaq hinaspaqa atinkim mana allin ruraykuna saqeyta. (1 Juan 5:3.) Diospa mana munasqan ruraykunata cheqniy. (Romanos 12:9.) Diosta respetaq runakunallawan huñukuypas, puriypas. (Proverbios 13:20.) Experienciayoq hermanokunam allin yanapaqninchik kanmanku. (Santiago 5:14.) Mastaqa oracionpi Diosta mañakuy imapipas yanapasunaykipaq. (Filipenses 4:6, 7, 13.) |
||
2004 watapi rurasqa |  |
Copyright © 2008 Watch Tower Bible and Tract Society of Pennsylvania. All rights reserved. |
|
