 |
Beliefs | Future | Medical | Topics | Contact Us | Publications | Languages |
| ¿Imatam Dios munan ñoqanchikmanta? | 12 Lección  |
Respetasun vidata yawartapas |
|
 |
¿Imaynatam rikunanchik vidata? (1) ¿Abortotapas? (1) |
|
¿Imaynatam cristianokuna rikuchinku seguridadmanta preocupakusqankuta? (2) |
|
¿Allinchu animalkuna wañuchiy? (3) |
|
¿Ima ruraykunam rikuchin vidanchik mana respetasqanchikta? (4) |
|
¿Imaninmi Diospa leynin yawarmanta? (5) |
|
¿Imaninmi Diospa leynin yawar churachikuymanta? (6) |
1. Jehovam vida Qoqqa. Lliw kawsaqmi vidanta Diosmanta chaskin. (Salmo 36:9.) Diospaqqa sagradom vidaqa. Jehovapaqqa ancha valorniyoqmi mamanpa wiksanpi manaraq naceq wawapa vidanpas. Diosqa manam munanchu chay wawa wañuchinata. (Éxodo 21:22, 23; Salmo 127:3.)
2. Cheqap cristianokunaqa preocupakunkum seguridadmanta. Chaymi cuidanku carronkuta wasinkuta mana pitapas peligropi churananpaq. (Deuteronomio 22:8.) Diosta serviqkunaqa manam vidankuta peligropi churankuchu. Chayraykum mana pukllankuchu maqanakuyman, dañanakuyman apaq pukllaykunapi. Karunchakunkum mana allin pukllaykunamanta. (Salmo 11:5; Juan 13:35.) 3. Animalpa vidanpas Unanchaqninchikpaqqa sagradom. Cristianoqa wañuchinmanmi animalkunata mikunanpaq, pachakunanpaq, vidan peligropi kaptinpas. (Génesis 3:21; 9:3; Éxodo 21:28.) Manam allinchu animalkuna ñakarichiypas, pukllaspa wañuchiypas. (Proverbios 12:10.) 4. Cristianokunaqa manam cigarrota pitanankuchu, cocatapas akunankuchu nitaq drogakunankuchu. Kay ruraykunaqa manam allinchu 1) viciomanmi runata apan, 2) cuerpontam malogran 3) qachataqmi kampas. (Romanos 6:19; 12:1; 2 Corintios 7:1.) Chay viciokuna saqeyqa llumpay sasam kanman, Jehovata kusichiyta munaspam ichaqa saqenanchikpuni. 5. Diospaqqa yawarpas sagradom. Almaqa, otaq vidaqa yawarpim ninmi payqa. Chayraykum yawar mikuyqa mana allinchu. Animalpa yawarninta mana horqospa aychan mikuypas. Manam mikunachu trampawan wañuchisqa otaq teqosqa animalpa aychantapas. Sichus lanzawanpas otaq balawanpas animalta wañuchinku hinaspaqa, horqonapacham yawarninta aychan mikunapaqqa. (Génesis 9:3, 4; Levítico 17:13, 14; Hechos 15:28, 29.) 6. ¿Allinchu cuerpoman yawar churachikuy? Yuyariy, Jehovam prohibiwanchik chay rurayta. Chayraykum cuerponchikmanqa mana maynintapas churachikunachu huk runapa yawarninta nitaq yawarninchiktapas waqaychasqataqa. (Hechos 21:25.) Chaymi, cheqap cristianokunaqa mana yawarta churachikunkuchu. Chaskikunkum ichaqa suerokunatapas medicokunapa yanapaynintapas. Kawsaytam munanku, ichaqa manam kawsayninku salvanankuraykuchu Diospa leyninta qepanchanqaku. (Mateo 16:25.) |
||
2004 watapi rurasqa |  |
Copyright © 2008 Watch Tower Bible and Tract Society of Pennsylvania. All rights reserved. |
|
