 |
Beliefs | Future | Medical | Topics | Contact Us | Publications | Languages |
Ñawirillaytaq
¿Ima tapuykunamanta parlachkanchik? Runap mana kutichiy atina tapuykunasninmanta. Ichá qampis jinata tapurikurqanki:
¿Maypitaq kay tapuykunaman kutichiykunata tariyman? Ichá kay tapuykunaman kutichiykunata mask’aspa, juk bibliotecaman chayri libreriaman rispaqa, achkha librosta tarinki.
Chaywanpis kay librosqa ichapis, paykunapura churanakunku. Wakin librosqa, kunan allinta yachachichkanku, tiempo pasasqanmanjinataq manaña jinata yachachinkuchu, chay librop cuentanmanta waktañataq churanku.
IMARAYKUTAQ KAY TAPUY: Imaptinchus kay pachaqa saqra kawsaymanta junt’a kachkan. May achkha religionestaq, kay ñak’ariykuna Diospa munaynin kasqanta yachachinku.
BIBLIAP YACHACHISQAN: Diosqa, mana jayk’aq ima saqratapis ruwanchu. Job 34:10 nin: “Ama yuyallaychejpischu Tukuy Atiyniyoj Diosqa ima sajratapis ruwasqanta, chayrí ima mana cheqan kajtapis”. Diosqa, imatapis runapaq munakusqanrayku ruwan. Chayrayku Jesús jinamanta mañakunanchikta yachachiwarqanchik: “Janaj pachapi kashaj Tatayku [...] Reinoyki jamuchun, munayniykitaj ruwasqa kachun, imaynachus janaj pachapi, ajinallatataj kay pachapipis”, nispa (Mateo 6:9, 10). Diosqa, ñuqanchikmanta maytapuni interesakun, chayrayku tukuy imata ruwan, munakuyninta rikuchinawanchikpaq (Juan 3:16).
Ñawirillaytaq Génesis 1:26-28; Santiago 1:13; 1 Pedro 5:6, 7.
IMARAYKUTAQ KAY TAPUY: Jatuchaq maqanakuykunapiqa may achkha runa wañun. Ñak’ariy tukuymantaq chayamuwanchik.
BIBLIAP YACHACHISQAN: Diosninchikqa Reinonniqta kay jallp’aman allin kawsayta apamunanta nin. Chay Reinon kamachiyta qallariptintaq, runaqa ‘maqanakunanpaq manaña wakichikunqachu’. Aswanqa, “espadasninkuta arado rejasman tukuchenqanku” (Isaías 2:4). Diosqa, saqra ruwaykunata, ñak’ariyta ima chinkachinqa. Biblia niwanchik: Diosqa, “tukuy waqayta ñawisninkumanta pichanqa, manañataj wañuy kanqachu, nitaj waqaypis, nitaj qhapariypis, nitaj nanaypis, imaraykuchus ñawpaj kaj imasqa [saqra ruwaykuna, ñak’ariy ima] manaña kanqachu, nispa” (Apocalipsis 21:3, 4).
Ñawirillaytaq Salmo 37:10, 11; 46:9; Miqueas 4:1-4.
IMARAYKUTAQ KAY TAPUY: Yaqha tukuy religiones, runa wañuptin imallampis paymanta kawsaspa qhipakusqanta yachachinku. Wakinkunaqa, kawsaqkunata wañusqas ñak’arichisqankuta creenku, wakinkunataq Dios saqra runasta nina lawraypi ñak’arichisqanta creenku.
BIBLIAP YACHACHISQAN: Runa wañuspaqa, chinkapun. Eclesiastés 9:5 nin: “Wañusqas mana imatapis yachankuchu”, nispa. Wañusqas mana imatapis ruwaptinku, paykunaqa mana ñak’arichiwasunmanchu, nitaq yanapawasunmanchu (Salmo 146:3, 4).
Ñawirillaytaq Génesis 3:1; Eclesiastés 9:6, 10.
IMARAYKUTAQ KAY TAPUY: Tukuypis kusisqa kawsakuyta munanchik, munasqa runa masinchikwan. Chayrayku munasqa runa masinchik kawsarimunankuta munanchik.
BIBLIAP YACHACHISQAN: Yaqha tukuy wañusqas kawsarimunqanku. Jesús, nirqa “tukuy p’ampasqa kajkunaqa [...] kawsarimponqanku”, nispa (Juan 5:28, 29). Diosninchik munasqanmanjina, tukuy kawsarimuqkunaqa paraisopi kawsakunqanku (Isaías 26:19). Diosninchik nisqanmanjina kasukuq runaqa, mana jayk’aq unquspa, wiñaypaq kawsanqa. Biblia nin: “Cheqan runasqa kay pachata herenciankupaj jap’enqanku, chaypitaj wiñaypaj kawsanqanku”, nispa (Salmo 37:29).
Ñawirillaytaq Job 14:14, 15; Lucas 7:11-17; Hechos 24:15.
IMARAYKUTAQ KAY TAPUY: Tukuy religionmanta runas Diosmanta mañakunku. Chaywanpis, mañakusqankuman mana kutichiy kasqanta reparakunku.
BIBLIAP YACHACHISQAN: Jesusqa, mana kikillantapuni mañakuytachu yachachiwarqanchik, chayrayku pay nirqa: “Diosmanta mañakuspaqa, ama kutipakuspa ashkhata parlaychejchu”, nispa (Mateo 6:7). Dios, mañakuyninchikta uyarinawanchikpaqqa, pay munasqanmanjina mañakunanchik tiyan. Chaypaqtaq, imachus Diospa munaynin kasqanta yachananchik tiyan. Ñawpa kaq Juan 5:14 sut’inchawanchik, chayrayku Diospa “munayninman jinachus imallatapis mañakunchej chayqa, yachanchej pay uyarinawanchejta”.
Ñawirillaytaq Salmo 65:2; Juan 14:6, 1; 1 Juan 3:22.
IMARAYKUTAQ KAY TAPUY: Achkha runas qullqita, allin riqsisqa kayta ima mask’anku kusiy kawsayta qunanta yuyaspa. Chayrayku chaykunata mask’aspa kawsanku, tarispataq manapuni kusisqachu kawsanku.
BIBLIAP YACHACHISQAN: Jesusqa, imaynatachus kusiy kawsayta tarinanchikta yacharqa, chayrayku nirqa: “May cusiskas cancu sonkoncupi Diosmanta pisiskas caskancuta khawacojcunaka”, nispa (Mateo 5:3, Dios Parlapawanchej ). Diosta yupaychaspalla kusiy kawsayta tarisun, paymanta, munayninmanta ima chiqata yachaspa. Diosmantaqa Bibliap yachachisqallan rikuchiwanchik, imachus allin, imachus mana allin kasqanta. Bibliap yachachisqanmanjina ruwaptinchik, kawsayninchik may sumaq kanqa (Lucas 11:28).
Ñawirillaytaq Proverbios 3:5, 6, 13-18; 1 Timoteo 6:9, 10.
Kay suqta tapuykunaman Biblia kutichisqanta qhawarisqanchikqa, rikuchiwanchik Biblialla tukuy laya tapuykunaman kutichisqanta. ¿Astawan yachayta munankichu? Diosta munakunki chayqa, arí ninki. Ichapis wak tapuykunata tapukunki: ‘Dios ñuqanchikmanta interesakun chayqa, ¿imaraykutaq saqra ruwaykuna, ñak’ariy ima kananta saqin? ¿Imaynatá familiaywan kusisqa tiyakuyman?’ Bibliaqa, kay tapuykunaman wak tapuykunasmanpis, allinta, sut’ita ima, kutichin.
Chaywanpis kunanqa, achkha runas Bibliata mana ñawiriyta munankuchu. Bibliata mana entiendena librota jina qhawanku. ¿Bibliapi kutichiykunata tarinaykipaq yanapata munawaqchu? Jehovamanta sut’inchaqkunaqa iskay yanapaykunata jaywarisunkuman.
Juk yanapa, ¿Imatapunitaq Biblia yachachin? kay librota, ruwasqa kachkan mana tiempoyuy runas tapukuyninkuman kutichiyta tarinankupaq. Iskaykaq yanapa, Kuj wakichisqa Jehovamanta sut’inchaq wasiykipi, chayri maypichus munanki chayman jamunman pisi tiempollata mana imata mañaspalla Bibliamanta yachachisunkiman. Kay Pachapi may achkha runas kayjina yachachiykunawan may allinta yachakunku. Achkha runas chaymanta may kusiywan kayta ninku: “¡Chiqa yachayta tarini!”, nispa.
Kay yachayqa, may valorniyuq, mana imatapis aswan valorniyuqta tarisunmanchu. Bibliamanta chiqa yachachiyqa, llulla yachachiykunamanta, supersticionesmanta ima, kacharichiwanchik. Chantá, suyakuyta, kusiyta ima, quwanchik. Jesús nirqa: “Cheqa kajta rejsinkichej, chay cheqa kajtaj kacharichisonqachej”, nispa (Juan 8:32).
2008 watapi urqhusqa |
 |