¿Pitaj Diosqa? - Jehovamanta sit’inchaqkunapta k’uchun

Jehovamanta sit’inchaqkunapta k’uchun

Beliefs

Future

¿Imatataj Diosqa munan ñoqanchismanta?

2 Yachaqana

¿Pitaj Diosqa?
	¿Pitaj cheqa Diosqa, imataj sutikun? (1, 2)
	¿Ima rijcha’j cuerpoyojtaj? (3)
	¿Mayqenkunataj aswan sumaj kayninkuna? (4)
	¿Apaykachanachu imagenkunata simbolokunatapis payta yupaychanapaj? (5)
	¿Ima iskaynejmanta atisunman Diosmanta yachayta? (6)

1. Tukuy imata runaqa yupaychan. Bibliaqa niwanchis uj CHEQA Dioslla kasqanta. Pay ruwarqa tukuy imaymanakajta janajpachapi Jallp’apipis. Kawsayta qowasqanchisrayku, payllata yupaychana may kasqanman jina. (1 Corintios 8:5, 6; Revelación [Apocalipsis] 4:11.)

2. Titulonkunaqa ashkha Diospata, chaywanpis ujlla sutinqa: JEHOVÁ. Diospaj sutintaqa ashkha Bibliakunamanta qhechunku, chaypitaj churanku Señor otaj Dios titulokunata. Bibliata qelqashajtinkutaj 7,000 kutita jina Jehováj sutinqa rikhurerqa. (Éxodo 3:15; Salmo 83:18.)

3. Jehováqa cuerpoyuj, chaywanpis mana ñoqanchispata jinachu. “Diosqa uj Espíritu”, nin Bibliaqa. (Juan 4:24.) Espirituqa uj kawsay, ñoqanchismanta aswan atiyniyoj. Diostaqa mana pi runa jaykaypis rikurkachu. Janajpachapi tiyaspapis Jehováqa, tukuy imata atin qhawayta. (Salmo 11:4, 5; Juan 1:18.) ¿Imataj santo espirituqa? Mana Dios jinachu, mana chayri Diospaj k’uchi kallpan. (Salmo 104:30.)

4. Bibliaqa willawanchis Jehováj sumaj kayninmanta. Niwanchis sumaj kayninqa kaykuna: munay, cheqan kay, yachayniyuj, atiyniyoy. (Deuteronomio 32:4; Job 12:13; Isaías 40:26; 1 Juan 4:8.) Nillantaj khuyakuj, k’acha, panpachaj, mana mich’a, suyakuj sonqo kasqanta. Payta yachapayana kasukuj wawakunajina. (Efesios 5:1, 2.)

Diosmanta yachaqanchis ruwasqanta Bibliatapis qhawarispa

5. ¿K’umuykukunachu, oranachu imágenes, cuadros, simbolos nisqakunaman? Mana. (Éxodo 20:4, 5.) Jehováqa nin payllata yupaychananchista. Mana piman manataj imaman jatun kayninta qonchu. Chaywanpis, imagenkunaqa mana atiyniyojchu yanapawananchispajqa. (Salmo 115:4-8; Isaías 42:8.)

6. ¿Imaynata Diosta aswan allinta rejsisunman? Ujmantaqa imaymana ruwasqanta qhawarispa, chaykunapi allinta t’ukurispa imatachus paymanta niwanchis. Diospaj ruwasqasninqa rikuchiwanchis jatun atiyninta, yachaynintapis. Imaymana ruwasqanpi munakuyninta rikunchis. (Salmo 19:1-6; Romanos 1:20.) Yachallawajtaj Diosmanta Bibliata yachaqaspa. Chaypi payqa aswan willawanchis imayna Dios kasqanta. Willallawanchistaj munayninmanta, imatachus munan ruwananchistapis. (Amós 3:7; 2 Timoteo 3:16, 17.)

2004 watapi urqhusqa
Copyright © 2008 Watch Tower Bible and Tract Society of Pennsylvania. All rights reserved.