¿Pitaj Supayqa?

1. “Supayqa” munan niyta pillapis sajra llullakunata nin waj runamanta. “Satanásqa” munan niyta jayu otaj churanakuj. Kay sutikunaqa allinta sut’inchan Diospaj jatun jayun kasqanta. Qallariypeqa ch’uya angel karqa, Dioswanpis janajpachapi tiyarka. Chaymantaqa umanta oqharin, Diosllaman yupaychana kashajtin paypis yupaychachikuyta munapayasqa. (Mateo 4:8-10.)

2. Kay Satanás, angelqa, Evawan riman katarinejta, llullasninwan Diosta mana kasunanpaj atipan. Kay jinamanta Satanásqa, Diospaj “Soberania” nisqanwan churanakun, nisunman, may kaj Oqharisqa kasqanwan. Diospaj kamachiynin Runaj allinninpaj kasqanta iskayacherqa. Nillarqataj mana pi runa Diosman k’askanqachu. Jinata tijrakuspa Diospaj jayunpi tukun. Chaymantapacha Supay Satanás sutichachikun. (Génesis 3:1-5; Job 1:8-11; Revelación 12:9.)

3. Satanásqa yupaychachikunanpaj runakunata pantachiyta munan. (2 Corintios 11:3, 14.) Chaytaqa ruwan pantasqa religionwan. Icha ima religionqa mana cheqantachu Diosmanta yachachin chayqa, Satanáspaj munayninta ruwan. (Juan 8:44.) Pantasqa religionkunapi kajkunaqa Diosta cheqanta yupaychashayku icha ninku, jinamanta Satanásllata yupaychashanku, imaraykuchus pay kashan ‘mundomanta diosnin’. (2 Corintios 4:4.)

Pantasqa religionqa, espiritismo, nacionalismo nisqakunapis runata ch’awkiyan

4. Satanásqa runakunata apaykachan munayninpi espiritismo nisqawan. Espiritukunata wakinqa wajyanku jark’akunankupaj, ujkunatataj ñak’arinanpaj, jamuj kajmanta willananpaj otaj milagrokunatapis ruwanankupaj. Kay tukuy ruwaykunaj quepanpeqa sajra kallpa Satanás kashan. Diosta kusichiyta munaspaqa, karunchakunanchis tiyan espiritismo nisqamanta. (Deuteronomio 18:10-12; Hechos 19:18, 19.)

5. Satanásqa pantachillantaj runakunata anchatapuni raza nisqarayku okharikunanpaj, organizaciones políticas nisqa yupaychanawanpis. Wakinkunataj suyunta, raza nisqanta pataman churanku. Mana chayqa cheqachu. (Hechos 10:34, 35.) Wakinqa suyanku organizaciones políticas nisqapi runakunaj ñak’ariyninta allinchananpaj. Jinamanta Diospaj Reinonta wasanchanku. Chay Reinolla ñak’ariykunasninchista allinchanqa. (Daniel 2:44.)

Satanásta wasanchay Jehovámanta aswan yachakuspa

6. Satanásqa runakunata pantachillantaj jucha munapayaywan tanqaspa. Jehováqa mana munanchu llakiypi kananchista chayrayku niwanchis jucha ruwaykunamanta ayqekunanchista. (Gálatas 6:7, 8.) Wajkunaqa munanku paykunawan kuska juchallikunaykita. Yuyarillaytaj, Satanásqa munan chaykunata ruwanaykita. (1 Corintios 6:9, 10; 15:33.)

7. Jehová Diosta saqenaykipaj Satanásqa qhatichisunkiman churanakuchisunkimantaj. Icha wakin munasqa familiaykimanta sinch’ita phiñakunqanku Bibliata yachashasqaykimanta. Ujkunaqa asipayasunqanku. Chayrayku yuyariy ¿pitaj kawsayta qosunki? Satanásqa manchakunaykita munan, Jehovámanta yachashasqaykita saqenaykipaj. Amapuni atipachikuychu. (Mateo 10:34-39; 1 Pedro 5:8, 9.) Supayta wasanchaspaqa, Jehováta kusichiwaj, Soberanian nisqanwan kasqaykita rikuchinki. (Proverbios 27:11.)

Copyright © 2008 Watch Tower Bible and Tract Society of Pennsylvania. All rights reserved.