¿Imatataj Diosqa munan Jallp’apaj?

1. Jehováqa Jallp’ata runakunapaj ruwarqa sumaj kawsaypitaj wiñay wiñaypaj kawsakunankupaj. Pay munarqapuni kusisqa cheqan runakuna tiyanankuta. (Salmo 115:16; Isaías 45:18.) Mana jayk’aj Jallp’aqa thuñikunqachu; wiñay wiñaypaj kallanqapuni. (Salmo 104:5; Eclesiastés 1:4.)

2. Manaraj runata ruwashaspa, Jallp’api uj juch’uy kajta Diosqa ajllarqa, sumaj t’ikapachaman tukuchispa “jardín de Edén” nispa suticharqa. Chaypitaj churan ñawpa qharita adanta ñawpa warmitaj Evata. Diosqa munarqa miranankuta Jallp’ata junt’anankukama. Pisi pisimantataj Jallp’ata t’ikapachaman tijrachinkuman karqa. (Génesis 1:28; 2:8, 15.)

T’ikapacha chinkasqa

3. Yachashaspa Adán Evawanqa juchallikorqanku Diospaj kamachisqanta mana kasuspa. Chayraykutaj Edén huertamanta Jehováqa qharqorqa, t’ikapachataj chinkarqa. (Génesis 3:1-6, 23.) Jehovátaj mana qonqanchu Jallp’apaj munasqanta. Payqa munanpuni t’ikapachaman tijrachiyta runakunapaj, wiñay wiñaypaj tiyanankupajpis ¿Imaynatataj chayta ruwanqa? (Salmo 37:29.)

4. T’ikapachaman Jallp’a tukunanpajqa, sajra runaraj chinkanan tiyan. (Salmo 37:38.) Armagedónpi kayqa jamunqa, kaytaj Diospaj jatun maqanakuynin sajra kawsayta tukuchinanpaj. Chaymanmantaj, Satanásqa waranqa watata wisq’asqa kanqa, chaywanqa sajra runaqa manaña kanqachu Jallp’ata khuchichananpaj. Diospaj llajtallan kawsakipanqa. (Revelación 16:14, 16; 20:1-3.)

5. Chaymanta Jesucristoqa waranqa watata Jallp’ata kamachinqa. (Revelación 20:6.) Pisi pisimantataj juchata yuyayninchismanta ukhunchismantapis tukuchenqa. Imaynachus Adan Evapis manaraj juchallikushaspa ch’uya karqanku, ajinaman ñoqanchispis kutisun. Chantaqa onqoy, machuyay, wañuypis manaña kanqachu. Onqojkuna janpikunqanku, machuyajkunapis wayna sipakunaman kutinqanku. (Job 33:25; Isaías 33:24; Revelación 21:3, 4.)

6. Jesúspaj Waranqa Wata Kamachiyninpeqa, sonqo junt’a kajkuna llank’anqanku tukuy Jallp’ata t’ikapachaman tukuchinankukama. (Lucas 23:43.) Chaymanta, waranqa waranqa wañusqakuna kawsarimunqanku runakuna jina kay Jallp’api tiyanankupaj. (Hechos 24:15.) Diospaj munasqanta ruwaspaqa, wiñay wiñaypaj kay Jallp’api kawsanqanku. Mana chayqa, wiñay wiñaypaj chinkanqanku. (Juan 5:28, 29; Revelación 20:11-15.)

7. Jinamanta junt’akunqa imatachus Diosqa qallariypi Jallp’apaj munarqa ¿Munawajchu jamuj bendicionkunata jap’ikuyta? Jina kajtenqa, yachallaypuni Jehovámanta kamachiynintataj kasukuspa. Aswan yanapasunanpajqa riykachay llajtaykipi tantakuj Salón del Reino de los Testigos de Jehová nisqaman. (Isaías 11:9; Hebreos 10:24, 25.)

Armagedónpaj qhepanpitaj, t’ikapachaman Jallp’aqa tijraqapunqa

Copyright © 2008 Watch Tower Bible and Tract Society of Pennsylvania. All rights reserved.