Imaynata oracionpi Diosman qayllana

1. Oracionqa k’umuykukuywan Dioswan rimariy. Sapa kuti Diosman orana. Chayta ruwaspaqa, may munasqa masiman jina payman k’askasunman. Jehováqa may jatun, atiyniyojtaj chaywanpis uyarin oracionninchista. ¿Sapakutichu Diosman oranki? (Salmo 65:2; 1 Tesalonicenses 5:17.)

2. Oracionqa yanapawanchis yupaychanapaj. Chayrayku, Jehová Diosllaman orana. Jallp’api Jesús kashaspa Tatallanmanpuni orarqa, nipimanpis. Kikinllatataj ñoqanchispis ruwana. (Mateo 4:10; 6:9.) Jesúspaj sutinpipuni orakuna. Jinamanta rikuchinchis allinpaj qhawasqanchista Jesúsqa may qasqanta, iñiyninchis qasqantapis rescate nisqapi. (Juan 14:6; 1 Juan 2:1, 2.)

3. Sonqonchismantapacha rimana tiyan Diosman oraspaqa. Mana kutipayanachu oracionninchista nitaj qelqaramanta ñawirinachu. (Mateo 6:7, 8.) Jatunpaj qhawaspaqa atisunman orayta, mayllapipis, mayk’ajllapis imaynapipis kaspa. Sonqonchispi ch’inllamanta orasqanchistapis Diosqa uyarin. (1 Samuel 1:12, 13.) Allin kanman ñoqanchispaj mañakuspaqa ch’inkunapi orakuna sapalla kashaspa. (Marcos 1:35.)

4. ¿Ima ruwaykunamanta orakuwaj? Imallamantapis Dioswan allinpi kanaykipaj. (Filipenses 4:6, 7.) Oranapaj Jesúsqa yachacherqa Jehováj sutinrayku orakunanchista munaynin ruwakunanpajpis. Mañakullasunmantaj imatachus munasqanchista kawsanapaj, juchanchista panpachananpaj, wasanchanapajpis juchaman tanqajkunata. (Mateo 6:9-13.) Mana ñoqallanchispajchu orakuna. Diospaj munasqanman jinalla imatapis mañakuna. (1 Juan 5:14.)

5. Sonqoykimanta pachis niyta jatunchaytapis munaspaqa Diosman orakuyta atiwaj. (1 Crónicas 29:10-13.) Llakiykuna kajtin otaj iñiniyki urmashajtin ama oracionta saqeychu. (Salmo 55:22; 120:1.) Mikhunapajpis allinllataj orakuna. (Mateo 14:19.) Jehováqa “mayk’ajllapis” wajyawanchis orananchispaj. (Efesios 6:18.)

6. Jatun juchapi urmaspaqa, uskhayllata orana Jehovámanta mañakuspa khuyakuyninta rikuchiwananchispaj panpachawananchispajpis. Diosqa “panpachananpaj wakichisqa kashan” chaypajqa juchanchismanta willana tukuy imata ruwaspa manaña ujtawan urmanapaj. (Salmo 86:5; Proverbios 28:13.)

7. Cheqankunaj oracionnillanta Jehováqa uyarin. Chayrayku oracionniykita uyarinanpajqa, anchatapuni kallpachakunayki Diospaj Kamachisqanman jina kawsanaykipaj. (Proverbios 15:29; 28:9.) Orakuspaqa k’umuykukuywan ruwanayki tiyan . (Lucas 18:9-14.) Oracionpi mañakusqaykiman jina ruwanayki. Jinamantaqa rikuchinki iñiyniyoj kasqaykita mana llullakuspa orasqaykitapis. Chantaraj Jehováqa oracionniykita uyarinqa. (Hebreos 11:6.)

Copyright © 2008 Watch Tower Bible and Tract Society of Pennsylvania. All rights reserved.