Diospaj munasqanman jina familiaj kawsaynin

1. Bibliaqa nimun familiamanta qosaqa uma kasqanta. (1 Corintios 11:3.) Uj warmillawan qhariqa kanan, cheqan ch’uyanchasqa casarakusqanpis kanan tiyan. (1 Timoteo 3:2; Tito 3:1.)

2. Kikinta jina qosaqa warminta munakunan tiyan. Imaynatachus Jesúsqa khatijkunasninta apaykachan ajinata qosapis warmintaqa apaykachanan. (Efesios 5:25, 28, 29.) Mana jayk’ajpis maqananchu manataj imawanpis usuchinanchu. Mana chayqa, allinpaj jatunpajtaj qhawanan. (Colosenses 3:19; 1 Pedro 3:7.)

Munakuj tataqa mikhunata, p’achata, wasita, Bibliaj yachaqaynintapis churan

3. Familianta yanapananpajqa sinch’ita tataqa llank ‘anan tiyan. Mikhunata, p’achata, wasita ima churanan warminpaj wawankunapajpis. Diosmanta familianman yachachinan. (1 Timoteo 5:8.) Pay ñawpajta familianta yanapanan tiyan, Diosmanta munayninmantapis yachaqanankupaj. (Deuteronomio 6:4-9; Efesios 6:4.)

4. Qosanpaj sumaj yanapaj warmiqa kanan tiyan. (Génesis 2:18.) Wawakuna yachachiypi qosanta yanapanan tiyan. (Proverbios 1:8.) Jehováqa munan munakuywan warmiqa familianta yanapananta. (Proverbios 31:10, 15, 26, 27; Tito 2:4, 5.) Qosanta may allinpajpuni warmiqa qhawanan tiyan. (Efesios 5:22, 23, 33.)

5. Wawakunata Diosqa kamachin tatankuta kasukunankupaj. (Efesios 6:1-3.) Tatakunamanta Diosqa suyan wawankuta cheqanyachinanta umallichinantapis. Wawankunawan kuska unayta Tatakunaqa kananku tiyan, Bibliata yachaqaspa ima munasqankupipis yanapaspa. (Deuteronomio 11:18, 19; Proverbios 22:6, 15.) Mana jayk’aj wawankuta rumi sonqowan sinchi phiñaywantaj jasut’inankuchu. (Colosenses 3:21.)

Tata-mamakunamanta Diosqa suyan umallichinankuta cheqanyachinankuta wawankunata

6. Khari-warmi kawsaypi phiñanakuy kajtenqa, Bibliaj k’amisqanman jina ima llakiytapis allinchananku. Bibliaqa tanqawanchis munakuyman panpachaymanpis. (Colosenses 3:12-14.) Diospaj Rimaynenqa mana ninchu karunchakunata ima juch’uy phiñakuyta allinchanapajqa. Warmiqa atinman qosanmanta karunchakuyta ichapis 1) manapuni munanmanchu familianpaj llank’ayta, 2) Warminta sinchi-maqaspa onqochinman munanmantaj mañuchiytapis otaj 3) Sinchi churanakushpa mana jayk’aj warminta saqenchu Jehováta yupaychananta. (1 Corintios 7:12, 13.)

7. Khari-warmiqa ujllapaj kananku tiyan. Wajwan wasanchaspaqa jatun juchata tarinku Dioswan, qosawan, warmiwanpis. (Hebreos 13:4.) Waj warmiwan waj qhariwanpis wasanchakujtinku chantalla t’aqakuyta atinkuman nin Bibliaqa, chaywanqa watejmanta atinkuman casarakuyta. (Mateo 19:6-9; Romanos 7:2, 3.) Jehováqa chejnikun mana bibliaj nisqanman jina t’aqakojkunata wajwan casarakojkunatapis. (Malaquías 2:14-16.)

Copyright © 2008 Watch Tower Bible and Tract Society of Pennsylvania. All rights reserved.