 |
Beliefs | Future | Medical | Topics | Contact Us | Publications | Languages |
| ¿Imataraq Dios shuyaran noqantsikpita? | Lección 16  |
Dedicacionwan bautismo |
|
 |
¿Imataraq ruraneki Diospa amigon kanekipaq? (1, 2) |
|
¿Imanöraq Diosman dedicakunkiman? (1) |
|
¿Imeraq bautizakunkiman? (2) |
|
¿Imanöraq kallpata tarinkiman Diosman fiel kanekipaq? (3) |
1. Diospa amigon kanekipaqqa, alleqmi yachakunkiman Biblia nenqanta (1 Timoteo 2:3, 4), tse yachakonqekimanmi feniki kanman (Hebreos 11:6), hutsekikunapitam arrepentikunkiman (Hechos 17:30, 31) y üne mana alli rurënikikunatam haqineki (Hechos 3:19). Tsepitanam Dios kuyeniki yanapashunki peman dedicakunekipaq. Dedicakiqa huk oracioncho hapallekilla Diosta parlapemi, qampa voluntadnikillatam ruramushaq nishpa entregakimi (Mateo 16:24; 22:37). 2. Diospa Palabranta dedicakonqekiyaq alleq yachakurïkorqa, bautizakunkimannam (Mateo 28:19, 20). Bautismoqa wakin nunakuna Jehovaman dedicakonqekita rikäyanampaqmi. Tsemi bautizakoqkunaqa kayan, alleq imanir Dios servita munayanqanta kayeqkunam. Huk nuna bautizakuptenqa llapan cuerpontam yaku limpu tsaparkunman* (Marcos 1:9, 10; Hechos 8:36). 3. Dedicakonqekipita patseqa, Jehovaqa shuyaran änikonqekino kawanekitam (Salmo 50:14; Eclesiastés 5:4, 5). Diabloqa imekanöpis tïranqam Jehová servita haqinekita (1 Pedro 5:8). Imano kaptimpis oracionwan witikïkunki Diosman (Filipenses 4:6, 7). Llapan hunaq Diospa palabranta yachakïkanki (Salmo 1:1-3). Ama rakikankitsu congregaciompita (Hebreos 13:17). Kë llapanta rurarqa tarinkim kallpata Diosman fiel kanekipaq. Tseqa qampita Dios shuyaranqantam wiñeypaq ruranki. Maslla musyeta munarqa o huk chaninnaq estudiu biblicuta munarqa, Jehovapa Testigonkunaman qellqe markekipaq direccionninman. Direccionkuna
|
