Lekel zot bann Temwen Zeova? Ki zot Krwayans?

Nou envit ou

I ti en plezir pour nou koz avek ou atraver sa brosir. Nou swete ki ou’n kontan pour aprann en pe plis lo bann Temwen Zeova. Nou ti ava byen kontan si ou ti aksepte nou lenvitasyon pour vizit nou kot nou Lasal Rwayonm. Sa pou permet ou vwar ki mannyer nou bann renyon i deroule e sa zefor ki nou pe fer pour partaz avek lezot sa bon nouvel konsernan en paradi lo later anba Rwayonm Kris.

Sa i en keksoz ki Bondye in promet. “Nou pe espere dapre son promes en nouvo lesyel ek en nouvo later kot pou annan lazistis.” (2 Pyer 3:13) Plizyer santenn lannen in pase. Bann kondisyon sa lemonn i montre ki sa letan kot nou pe espere i pros pour fini.

Zapot Pol ti dir: “Pa abandonn zot lasanble parey labitid serten parmi zot, me ankouraz kanmarad sirtou ki la sa Zour Senyer pe aprose.” (Ebre 10:24, 25) Nou envit ou pour swiv konsey Pol par asosye avek nou.

Eski ou ti a kontan ganny en vizit?

Copyright © 2007 Watch Tower Bible and Tract Society of Pennsylvania. All rights reserved.