Ou Desizyon pour servi Bondye

1. Pour vin en zanmi Bondye, ou bezwen ganny en bon konnesans laverite Labib (1 Timote 2:3, 4), annan lafwa dan bann keksoz ki ou’n aprann (Ebre 11:6), repantir pour ou bann pese (Akt 17:30, 31), e sanz konpletman ou fason viv. (Akt 3:19) Apre, ou lanmour pour Bondye i devret pous ou pour dedye ou lavi avek li. Dedye ou lavi avek Bondye i vedir ki dan ou lapriyer personnel, an prive, ou dir li ki ou pe ofer li ou lavi antye pour fer son lavolonte.—Matye 16:24; 22:37.

2. Apre ki ou’n dedye ou lavi avek Bondye, ou devret ganny batize. (Matye 28:19, 20) Par ou batenm, ou montre tou dimoun ki ou’n dedye ou lekor avek Zeova. Donk, batenm i zis pour bann dimoun ki ase gran pour pran en desizyon pour servi Bondye. Ler en dimoun i ganny batize, son lekor antye i devret ganny plonze konpletman anba delo pour en pti moman.*—Mark 1:9, 10; Akt 8:36.

3. Apre ki ou’n fer ou dedikasyon, Zeova pou ekspekte ki ou viv an akor avek ou promes. (Psonm 50:14; Eklezyast 5:4, 5) Satan pou esey fer ou aret servi Zeova. (1 Pyer 5:8) Me apros Bondye dan lapriyer. (Filipyen 4:6, 7) Etidye son Parol toulezour. (Psonm 1:1-3) Reste atase avek son kongregasyon. (Ebre 13:17) Si ou fer tousala, ou pou annan lafors pour reste fidel avek Bondye. Alor, pour touzour, ou pou kapab fer sa ki Bondye i ekspekte ou fer!

Eski ou ti a kontan plis lenformasyon? Ekrir Temwen Zeova an servan ladres apropriye. Ladres

* Pour prepar pour batenm, i byen ki ou etidye liv Konnesans Ki Anmenn ver Lavi Eternel, oubyen en lot liv pibliye par Temwen Zeova.

Copyright © 2006 Watch Tower Bible and Tract Society of Pennsylvania. All rights reserved.