Ka Mo Mu Kona ku Zibela Seo Mulimu A Tokwa

1. Bibele ki mpo ya butokwa hahulu ye zwa ku Mulimu. I swana sina liñolo leo ndate ya lilato a ñolezi bana ba hae. I lu bulelela niti ka za Mulimu—kuli ki mañi ni kuli za tokwa ki lifi. I talusa ka mwa ku talimanela ni butata ni ka mwa ku fumanela tabo ya niti. Ki Bibele fela ye lu bulelela se lu lukela ku eza kuli lu tabise Mulimu.—Samu 1:1-3; Isaya 48:17, 18.

2. Bibele ne i ñozwi ki banna ba ba fitana-fitana ba ba bat’o ba 40 ili mwahal’a nako ye eza lilimo ze 1,600, ku kala ka 1513 B.C.E. I na ni libuka ze nyinyani ze 66. Ba ne ba ñozi Bibele ne ba buyelezwi ki Mulimu. Ne ba ñozi mihupulo ya hae, isiñi ya bona tota. Kacwalo Mulimu ya kwa lihalimu, ki yena Musimululi wa Bibele, isiñi mutu ufi kamba ufi wa fa lifasi-mubu.—2 Timotea 3:16, 17; 2 Pitrosi 1:20, 21.

3. Mulimu n’a boni teñi kuli Bibele ne i kopisizwe ka ku nepahala ni ku bukelezwa. Libibele ze ñata se li hatisizwe ku fita buka ifi kamba ifi. Haki mañi ni mañi ya ka tabela ku mi bona inze mu ituta Bibele, kono mu si ke mwa lumeleza seo ku mi tuhelisa. Nako ya mina ya kwapili ili ya ku ya ku ile i itingile fa ku fita fa ku ziba Mulimu kwa mina ni ku eza tato ya hae ku si na taba ni twaniso ifi kamba ifi.—Mateu 5:10-12; Joani 17:3.

Copyright © 2008 Watch Tower Bible and Tract Society of Pennsylvania. All rights reserved.