Ino mà ny Fanjakan-Ndragnahary?

1. Tamin’i Jesosy tatỳ an-tany, de nampianariny ny mpianatrany hangataka ny havian’ny Fanjakan-Ndragnahary. Ny fanjakagna de fandesagna tarihin’ny mpanjaka raika. Fandesagna hafakely ny Fanjakan-Ndragnahary. Agny an-dagnitra ndro misy azy io, ka handay ity tany ity. Hamasigniny koa ny agnaran-Ndragnahary, ndraika hampanao ny sitrapon-Ndragnahary atỳ an-tany, miran’ny efa atao agny an-dagnitra izy io.—Matio 6:9, 10.

2. Nampagnantegna Ndragnahary, fa hanjary Mpanjakan’io Fanjakagna io Jesosy. (Lioka 1:30-33) Tamin’i Jesosy tatỳ an-tany, de hay fa ho Mpanday tsara fagnahy, tia zaka mahitsy, ndraika tsisy tsigniny izy. Tsendrika natao Mpanjakan’ny Fanjakan-Ndragnahary izy, lefa tafipody tagny an-dagnitra. (Hebreo 10:12, 13) Tamin’ny 1914, de namen’i Jehovah an’i Jesosy ny fahefagna nampagnatignainy anazy. Tamin’izay ndro nanomboka nanjaka tagny an-dagnitra Jesosy, le Mpanjaka tinendrin’i Jehovah.—Daniela 7:13, 14.

3. Nisy lahilahy ndraika ampisafy tsy nivadika koa, finidin’i Jehovah ho agny an-dagnitra. Bôka teto an-tany izireo, hindry handay amin’i Jesosy, ho mpanjaka, mpitsara ndraika mpisorogna ho an’olombelo. (Lioka 22:28-30; Apokalypsy 5:9, 10) Kinaikan’i Jesosy hoe “ondry vitsy” ireo hindry manjaka aminazy. Miisa 144 000 izireo.—Lioka 12:32; Apokalypsy 14:1-3.

4. Laha vao nanjary Mpanjaka Jesosy, de rinôkany bôka tagny an-dagnitra Satana ndraika reo anjeliny raty fagnahy, ka natôpiny tatỳ an-tany. Bôka aminizagny ndro tegna naharaty ny fiaignana eto an-tany, nanomboka tamin’ny 1914. (Apokalypsy 12:9, 12) Ny ady, mosary, areti-mandripaka, fitomboan’ny fandikan-dalàgna, de samby agnisan’ny “famantarana” ndra fambara fa manjaka Jesosy ankananika, ndraika kely tavela de hifaragna ity tontolo ity.—Matio 24:3, 7, 8, 12; Lioka 21:10, 11; 2 Timoty 3:1-5.

5. Hitsara ny olo Jesosy ato ho ato, ka hagnavaka azireo, mira amin’ny magnavaka ôndrikôndrika na ondry amin’ny bengy na osy. Ny “ondry” de reo hita fa olony tsy mivadika aminazy. Hahazo fiaignana tsisy farany eto an-tany izireo. Ny “osy” de reo tsy magneky ny Fanjakan-Ndragnahary. (Matio 25:31-34, 46) Ato ho ato, haripakan’i Jesosy lagniny mira amin’ny osy jiaby. (2 Tesalonianina 1:6-9) Laha tia ho anisan’ ny ‘ondrin’i Jesosy’anao, tsy maintsy mitsatsika ny hafatra mifotra amin’io Fanjakagna io, ndraiky manao zaka mifagnaraka amin’ny lagniny ianaranao.—Matio 24:14.

Tsy hisy fankahalagna ndra fanavakavahagna eky lefa manday Jesosy

6. Voabirabira ho firenena maro ny tany ankananika. Samby managna ny fanjakagnany aby izireo. Matetika reo firenena reo ndro miady. Hisôka anireo fanjakan’olombelo jiaby reo ny Fanjakan-Ndragnahary. Izy io raika fôgna ndro fitondram-panjakagna handay ny tany jiaby amin’ny hoavy. (Daniela 2:44) Tsy hisy eky ady, famonoagna ndra fandratragna olo, ndraika hetraketraka. Hindry miaigna agnatin’ny filaminagna ndraika firaisan-kevitra ny olo jiaby.—Mika 4:3, 4.

7. Ho tsisy tsigniny ny olombelo tsy mivadika, ndraika hanjary paradisa ny tany, agnatin’ny Fanjakagna Arivo Taognan’i Jesosy. Ho efan’i Jesosy lagniny zaka jiaby nampanôvin-Ndragnahary azy, amin’ny farany ny arivo taogna. Aminizay, hapodin’i Jesosy amin’ny Babany le Fanjakagna. (1 Korintianina 15:24) Ino ndro antony tsy ivolagnana ny zaka hataon’ny Fanjakan-Ndragnahary amin’ny longonao ndraika ragnitranao?

Copyright © 2006 Watch Tower Bible and Tract Society of Pennsylvania. All rights reserved.