Fiaignam-pianakaviagna Tian-Ndragnahary

1. Volagnin’ny Baiboly fa lahilahy ndro lohan’ny fianakaviagna. (1 Korintianina 11:3) Kôntiny raika fôgna ndro vadiny. Kôntiny ho mpivady vita soratra amin’ny fanjakagna izireo.—1 Timoty 3:2; Titosy 3:1.

2. Kôntiny ho tia ny vadiny karaha ny tegnany ny lahilahy. Kôntiny handay ny vadiny karaha nandesan’i Jesosy anireo mpianatrany izy. (Efesianina 5:25, 28, 29) Tsy kôntiny hikaboka ndra hampijaly vady mitsy izy. Kôntiny hagnome voninahitra ndraika hagnaja ny vadiny izy.—Kolosianina 3:19; 1 Petera 3:7.

Ny baba be fitiavagna de magnome zay ilain’ny fianakaviany eo amin’ny ara-batagna ndraika ara-pagnahy

3. Kôntiny hahery miasa ny lahilahy hamilômagna ny fianakaviany. Mila magnome hany, siky sikinigna, trano ipetrahagna, andreo izy. Tsy maintsy magnome zaka ara-pagnahy ilain’ny fianakaviany koa izy. (1 Timoty 5:8) Izy ndro tômpon’andraikitra vôlohany hampianatra azireo zaka mifotra an-Ndragnahary.—Deoteronomia 6:4-9; Efesianina 6:4.

4. Kôntiny hitahy maiva ny vadiny, ny ampisafy. (Genesisy 2:18, fanamarihagna ambany pejy) Kôntiny hifampitahy reo mivady amin’ny fampianaragna zaka ara-pagnahy ndraika asa, ny tsaikandreo. (Ohabolana 1:8) Takin’i Jehovah ny hikarakaran’ny ampisafy amim-pitiavagna ny fianakaviany. (Ohabolana 31:10, 15, 26, 27; Titosy 2:4, 5) Kôntiny hagnaja mare ny vadiny izy.—Efesianina 5:22, 23, 33.

5. Takin-Ndragnahary ny hagneken’ny anaka ny ray aman-dreniny. (Efesianina 6:1-3) Takin-Ndragnahary ny hampianaran’ny ray aman-dreny ny anakany, ndraika hagnanarany azireo. Mila manokana fotôgna indrisagna amin’ny anakany, ndraika ampianarana azireo Baiboly ny ray aman-dreny. Amin’ny zagny izireo magnome zay zaka ara-pagnahy, ndraika ara-pihetseham-po ilain’ny tsaika. (Deoteronomia 11:18, 19; Ohabolana 22:6, 15) Tsy kôntiny haseka ndraika ho kafiry mitsy ny ray aman-dreny, lefa magnafay tsaika.—Kolosianina 3:21.

Takin-Ndragnahary ny hampianaran’ny ray aman-dreny, ndraika hagnanarany tsaika

6. Lefa misy tsy fagnarahagna eo amin’ny mpivady, de kôntin’ny hiezaka hagnaraka torohevitra ambaran’ny Baiboly izireo. Ampirisihin’ny Baiboly mare atsika, hampitranga fitiavagna ndraika tsy hanao an-kibo. (Kolosianina 3:12-14) Tsy mampirisika hisintaka ny Tenin-Ndragnahary, lefa misy zaka kely tsy hifagnarahagna. Kandrefa mety hifidy hisintaka ny ampisafy, laha 1) mikiry tsy hamelogna ny fianakaviany ny vadiny, ndra 2) mihetraketraka be izy io, ka avozôgna handratra ndraika hangala aignan’ny vadiny, ndra 3) dilatra loatra ny fanoheran-dralahilahy ka tsy ahafahany manômpo an’i Jehovah.—1 Korintianina 7:12, 13.

7. Tsy kôntiny hanitsakitsa-bady ny olo. Manota amin-Ndragnahary ndraika vadiny ny olo manitsakitsa-bady. (Hebreo 13:4) Ny fandrantôvagna tsy agnatin’ny fanambadiagna, zay fôgna ndro antony araka ny Baiboly azo isarahagna, ka azahôgna manambady indraika. (Matio 19:6-9; Romanina 7:2, 3) Halan’i Jehovah laha misara-panambadiagna ny mpivady kandrefa tsisy antony araka ny Soratra Masina, ka manambady olo hafa indraika bôkeo.—Malakia 2:14-16.

Copyright © 2006 Watch Tower Bible and Tract Society of Pennsylvania. All rights reserved.