Tsy Maintsy Madio ny Mpanômpon-Ndragnahary

1. Madio ndraika masigna Jehovah Ndragnahary. Mitaky amindreo mpanômpony hadio koa izy: amin’ny ara-pagnahy, amin’ny fandesan-tegna, amin’ny saigna, ndraika vatagna. (1 Petera 1:16) Mila miezaka mare atsika hadio fôgna agnatrehan-Ndragnahary. Miaigna amin’ny tontolo maloto atsika. Manjary voatôsika hanao raty atsika, ka tsy maintsy miady amin’ny zagny. Kandrefa tsy kôntiny hagneky resy atsika.

2. Madio ara-pagnahy: Izikoa magniry hanômpo an’i Jehovah atsika, kaza magnaraka eky fampianaragna, ndra fomban’ny fivavahagna tsy marigna. Tsy maintsy mihataka amin’ny fivavahagna tsy marigna atsika, ka tsy hitahy azy mitsy. (2 Korintianina 6:14-18; Apokalypsy 18:4) Izikoa mahay ny marigna mifotra an-Ndragnahary atsika, tsy maintsy mitandrigna tsy ho voafitak’olo mampianatra vandy.—2 Jaona 10, 11.

3. Madio fandesan-tegna: Tian’i Jehovah hadio fandesan-tegna fôgna ny mpanômpony. (1 Petera 2:12) Hitany aby zaka ataotsika, ndra misitrika manakôry aza. (Hebreo 4:13) Kôntiny tsy hankarinìtsika ny fandesan-tegna, ndraika fanaovan-jaka maloto hafa.—1 Korintianina 6:9-11.

4. Madio ara-tsaigna: Izikoa zaka madio ndro ampidiritsika an-jeritsika, de hadio koa ny fandesan-tegnatsika. (Filipianina 4:8) Fa izikoa mifantoka amin-jaka maloto ny menimenitsika, de hahefa zaka raty atsika. (Matio 15:18-20) Kôntiny tsy hankarìnintsika sôma mety handrobaka jeritsika. Lefa mianatra Soratra Masigna atsika, de mameno jeritsika zaka madio.

5. Madio ara-batagna: Solontegnan-Ndragnahary ny Kristianina, ka kôntiny ho madio fôgna ny vatagnany ndraika sikiny. Kôntiny hanasa tagna atsika lefa bôka nanday tegna, ndraika lefa hihinagna ndra hikopoka sakafo. Izikoa tsy managna kabone, de kôntiny hatao agnaty lavaka ny maloto ndra halevigna. (Deoteronomia 23:13, 14) Mahasalama ny fahadiovagna ara-batagna. Kôntiny hilamigna ndraika hadio ny tragnon’ny Kristianina, ndra agnatiny ndra an-tokotany. Kôntiny ho môdely agnaty tanàgna ny tragnotsika.

6. Fivolagnana madio: Tsy mila mavandy mitsy ny mpanômpon-Ndragnahary. Tsy hiditra amin’ny Fanjakan-Ndragnahary ny mpavandy. (Efesianina 4:25; Apokalypsy 21:8) Tsy mivolagna zaka raty ny Kristianina. Tsy tsatsihiny ndraika tsy abôkan’ny vavany ny somonga ndra tantara vetaveta. Amin’ny fanagnany fivolagnana madio, de miavaka izireo agny am-piasagna, agny am-pianaragna, ndraika eo amin’ny misy azy.—Efesianina 4:29, 31; 5:3.

Tsy maintsy madio amin’ny lafin-jaka jiaby ny mpanômpon-Ndragnahary

Copyright © 2006 Watch Tower Bible and Tract Society of Pennsylvania. All rights reserved.