Fagnajagna ny Aigna Ndraika ny Lio

1. Jehovah ndro Loharanon’aigna. Bôka tamin-Ndragnahary ndro nazahôn’ny zaka miaigna jiaby ny aignany. (Salamo 36:9) Masigna amin-Ndragnahary ny aigna. Ndra aignan’ny tsaika agny an-kibo de efa lafo vidy amin’i Jehovah. Raty agnatrehan-Ndragnahary ny mikinia mamono zagny tsaika vao miforogna zagny.—Eksodosy 21:22, 23; Salamo 127:3.

Tsy eketsika ny fampidiragna lio, fahazaragna maloto, ndraika fitadiavagna loza tsy amin’ny antony, mbô hampiravôgna an-Ndragnahary

2. Mitandrigna fôgna ny Kristianina tsy hiboahan’ny loza. Ataony azo antoka fa tsy hampibôka loza ny tômabiliny ndraika tragnony. (Deoteronomia 22:8) Tsy mitady loza tsy amin’ny antony hitadiavagna fahafinaretagna, ndra zaka manaitaitra fôgna ny mpanômpon-Ndragnahary. Ka tsy manao fanatanjahan-tegna misy hetraketraka handratragna olo izireo. Tsy manao sôma misy hetraketraka izireo.—Salamo 11:5; Jaona 13:35.

3. Masigna amin’ny Mpamorogna koa aignan’ny biby. Mahazo mamono biby ny Kristianina atao sakafo, siky sikinigna, ndra hiarovan-tegna amin’ny arety ndraika loza. (Genesisy 3:21; 9:3; Eksodosy 21:28) Kandrefa, raty ny mampijaly biby ndra mamono azy noho ny fanatanjahan-tegna, ndra noho ny fahafinaretagna.—Ohabolana 12:10.

4. Tsy natao ho an’ny Kristianina ny sigara, paraky, jamala, ndraika zaka hafa mahadonto, ho fahafinaretagna. Raty reo satria 1) magnandevo atsika, 2) mandrobaka ny tegnatsika, ndraika 3) maloto. (Romanina 6:19; 12:1; 2 Korintianina 7:1) Mety ho tegna sarotra ialagna reo fahazaragna reo. Kandrefa, mila miala aminizagny atsika hampiravôgna an’i Jehovah.

5. Masigna agnatrehan-Ndragnahary ny lio. Mivolagna Ndragnahary fa agnatin’ny lio ndro misy ny aigna. Ka raty ny mihina lio. Raty koa ny mihinagna nôfotram-biby tsy nalatsa-dio. Tsy azo hohanigna koa ny biby kendaigna, ndra natim-pandrika. Laha voajandra ndra voatifitra izy, mila alatsaka lio malaky, izikoa tiagna hohanigna.—Genesisy 9:3, 4; Levitikosy 17:13, 14; Asan’ny Apostoly 15:28, 29.

6. Raty va ny magneky hampidiragna lio? Tadidio fa takin’i Jehovah ny hifadiatsika lio. Tsy azotsika ampidirigna agnatin’ny tegnatsika mitsy zagny, ndra amin’ny fomba akôry ndra amin’ny fomba akôry, ny lion’olo hafa ndra atà ny liotsika voakajy. (Asan’ny Apostoly 21:25) Ka tsy hagneky fampidiragna lio ny Kristianina. Kandrefa, ekeny ny fitahagna hafa, karaha fampidiragna ranon’aôdy tsisy lio. Te ho velogna izy, kandrefa tsy hitady hamonjy ny aignany amin’ny fandikagna ny lalàgnan-Ndragnahary.—Matio 16:25.

Copyright © 2006 Watch Tower Bible and Tract Society of Pennsylvania. All rights reserved.