Akôry Ndro Fomba Ahitanao ny Fivavahagna Marigna?

1. Raika fôgna ny fivavahagna kristianina marigna naôrignan’i Jesosy. Tsy maintsy raika fôgna koa àry, ankananika, ny fivavahagna misy anireo tegna mpanômpon’i Jehovah Ndragnahary. (Jaona 4:23, 24; Efesianina 4:4, 5) Ampianarin’ny Baiboly, fa vitsy fôgna ny olo magnaraka lala maletra magnagny amin’ny fiaignana.—Matio 7:13, 14.

2. Nambaran’ny Baiboly taloha fa hisy fampianaragna tsy marigna, ndraika fanao tsy kristianina hiditra tsimôramôra agnatin’ny fiangonagna kristianina, lefa robaka reo apostoly. Hisy hitaogna ny mpino hagnaraka azy, fa tsy hagnaraka an’i Kristy. (Matio 7:15, 21-23; Asan’ny Apostoly 20:29, 30) Zagny, antony ahitatsika fivavahagna maro be samby hafa, mitognona fa Kristianina. Akôry ndro ahaizatsika ny tegna Kristianina?

3. Ny tegna fambara miavaka ny Kristianina, de hoe mifankatia marigna ankitiny izireo. (Jaona 13:34, 35) Tsy ampianarigna hihevi-tegna ho agnabo karazagna ndra volon-koditra noho ny hafa izireo. Tsy ampianarigna halaigna olo bôka an-tany hafa koa izireo. (Asan’ny Apostoly 10:34, 35) Tsy miditra amin’ny ady izireo. Mifanday mira amin’olo kibo raika ny Kristianina.—1 Jaona 4:20, 21.

Mifankatia, magnaja ny Baiboly, ndraika mitory ny Fanjakan-Ndragnahary ny tegna Kristianina

4. Fomba hafa amantaragna ny fivavahagna marigna ny fagnajagna laligna ny Baiboly hita amin’ny mpikambagna agnatiny. Ankatoaviny ho Tenin-Ndragnahary izio, ndraika inoany zay voambara ao. (Jaona 17:17; 2 Timoty 3:16, 17) Amindreo, ny Tenin-Ndragnahary de manan-kaja lavitra noho hevitra, ndra fombafomban’olombelo. (Matio 15:1-3, 7-9) Miezaka mampifagnaraka ny fiaignany, ndraika manao zay toriny bôka amin’ny Baiboly izireo.—Titosy 1:15, 16.

5. Tsy maintsy magnome voninahitra ny agnaran-Ndragnahary koa ny fivavahagna marigna. (Matio 6:9) Natoron’i Jesosy tamin’olo ny agnaran-Ndragnahary hoe Jehovah. Tsy maintsy manao anizagny ny tegna Kristianina. (Jaona 17:6, 26; Romanina 10:13, 14) Ia aminireo olo tanàgna raika aminao, ndro magnambara agnaran-Ndragnahary amin’ny olo hafa?

6. Tsy maintsy mitory ny Fanjakan-Ndragnahary ny tegna Kristianina. Nanao anizagny Jesosy. Niratra fôgna makasika le Fanjakagna izy. (Lioka 8:1) Didìny ny mpianatrany mbô hagnambara io hafatra io eran-tany. (Matio 24:14; 28:19, 20) Mino ny Kristianina fa ny Fanjakan-Ndragnahary raika fôgna ndro handay tegna fiadanagna, ndraika filaminagna an-tany eto.— Salamo 146:3-5.

7. Tsy kôntiny ho naman’ity tontolo raty ity ny mpianatran’i Jesosy. (Jaona 17:16) Tsy miditra amin’ny pôlitika ndraika fifandiragna misy eo amin’izao tontolo izao izireo. Tsy ankarìniny ny fandesan-tegna, fanaovan-jaka, ndraika fihetsika mandrobaka, fahita amin’izao tontolo izao. (Jakoba 1:27; 4:4) Mahatsendrigna fivavahagna, ahitagna reo famantaragna ny Kristianisma marigna reo va anao, eo amin’ny misy anao?

Copyright © 2006 Watch Tower Bible and Tract Society of Pennsylvania. All rights reserved.