1. Fa maro ny zaka maiva nianaranao bôka amin’ny Baiboly. Kôntiny hampiezaka anao hanagna toetra kristianina zagny fahaizagna zagny. (Efesianina 4:22-24) Tegna ilaigna zagny fahaizagna zagny, hazahônao fiaignana tsisy farany. (Jaona 17:3) Kandrefa, mila maregny ny vaovao tsara ny olo mbô ho voavonjy koa. Tsy maintsy mitory amin’olo ny tegna Kristianina jiaby. Didin-Ndragnahary zagny.—Romanina 10:10; 1 Korintianina 9:16; 1 Timoty 4:16.
2. Azonao atao aloha, magnambara reo zaka maiva ianaranao amin’olo marìny anao. Ivolagno ny longonao, ragnitranao, fianaragna ndra fiasagna raika aminao. Angatahigna anao ho tsara fagnahy, ndraika hadigny marary lefa manao anizagny. (2 Timoty 2:24, 25) Tadidio fa matetika ny fandesan-tegnanao ndro hinten’olo, fa tsy zaka volagninao. Ka ny fandesan-tegna maiva ahariharinao àry, de mety hisintogna ny olo hitsatsika le hafatra volagninao.—Matio 5:16; 1 Petera 3:1, 2, 16.
3. Afara kely, de mety hahafeno fepetra anao hanomboka hindry mitory amin’ny fiangonan’ny Vavolombelon’i Jehovah, eo an-toeragna. Dingagna bavata amin’ny fandrosoanao zagny. (Matio 24:14) Tegna ho ravo mare anao, izikoa afaka mitahy olo ho rôso mpanômpon’i Jehovah, ndraika hahazo fiaignana tsisy farany!—1 Tesalonianina 2:19, 20. |
