Ny Fanapahan-kevitrao Hanômpo An-Ndragnahary

1. Mbô harôso anao ho ragnitran-Ndragnahary, de tsy maintsy hainao maiva ny fahamarignana agnatin’ny Baiboly. (1 Timoty 2:3, 4) Mila mino reo zaka nianaranao koa anao (Hebreo 11:6), mifogna amin’ny fahadisôgnanao (Asan’ny Apostoly 17:30, 31), ndraika mipody lala hagnova ny fiaignanao. (Asan’ny Apostoly 3:19) Bôkeo, ny fitiavanao an-Ndragnahary de kôntiny hanôsika anao hanolotra anazy ny tenagnao. Midika zagny fa hanao hataka manokagna anao raika, ka hiratinao amin-Ndragnahary fa atolotrao anazy ny tenagnao, mbô hanao ny sitrapony.—Matio 16:24; 22:37.

2. Lefa bôka nanolotra ny tegnanao an-Ndragnahary anao, de kôntiny hatao batisa. (Matio 28:19, 20) Lefa atao batisa anao, de hain’ny olo jiaby fa bôka nanolotra ny tegnanao an’i Jehovah. Lagniny ampy taogna hanapa-kevitra hanômpo an-Ndragnahary fôgna ndro azo atao batisa. Izikoa atao batisa ny olo raika, de ny vatagnany jiaby ndro kôntiny hajibika betibety ao agnaty rano.*—Marka 1:9, 10; Asan’ny Apostoly 8:36.

3. Lefa bôka nanolo-tegna an’i Jehovah anao, de magnantegna izy fa tsy hivadika amin’ny teninao anao. (Salamo 50:14; Mpitoriteny 5:4, 5) Hanao izay hampiato anao tsy hanômpo an’i Jehovah ny Devoly. (1 Petera 5:8) Magnatògna an-Ndragnahary amin’ny fanaovagna hataka. (Filipianina 4:6, 7) Ianaro isan’andro ny Teniny. (Salamo 1:1-3) Kaza mihataka amin’ny fiangonagna. (Hebreo 13:17) Hahazo hery fôgna tsy hivadihagna amin-Ndragnahary anao, izikoa manao zagny zaka jiaby zagny. Afaka hanao zay takin-Ndragnahary tsisy farany anao aminizay!

Tianao va hahazo fanazavagna hafa koa, na fampianaragna Baiboly an-tragnonao? Manoràta agny amin’ny adiresin’ny Vavolombelon’i Jehovah. Adiresy

* Mbô hiomanagna amin’ny batisa, angatahigna anao hianatra ny boky Fahalalana Izay Mitarika ho Amin’ny Fiainana Mandrakizay, ndra boky mira amin’io, nabôkan’ny Vavolombelon’i Jehovah.

Copyright © 2006 Watch Tower Bible and Tract Society of Pennsylvania. All rights reserved.