A bosroiti di joe e teki foe dini Gado

1. Foe joe kan tron wan mati foe Gado, joe moesoe kisi wan boen sabi foe bijbel waarheid (1 Timoteus 2:3, 4), poti bribi na ini den sani di joe leri (Hebrewsma 11:6), abi berow foe den sondoe foe joe (Tori foe den Apostel 17:30, 31), èn drai baka gi joe fasi foe libi (Tori foe den Apostel 3:19). Baka dati, a lobi di joe abi gi Gado moesoe boeweigi joe foe gi joesrefi abra na en. Disi wani taki dati ini wan begi pe joesrefi e taki nanga Gado, joe e froeteri en taki joe e gi joesrefi abra na en foe doe en wani. — Mateus 16:24; 22:37.

2. Baka te joe gi joesrefi abra na Gado, dan joe moesoe teki dopoe (Mateus 28:19, 20). Dopoe e meki ala sma sabi taki joe gi joesrefi abra na Jehovah. So boen, dopoe na soso gi den sma di owroe nofo foe teki wan bosroiti foe dini Gado. Te den e dopoe wan sma, dan en heri skin moesoe poti na ondro watra foe wan momenti.* — Markus 1:9, 10; Tori foe den Apostel 8:36.

3. Baka di joe gi joesrefi abra, dan Jehovah sa froewakti foe joe foe libi akroederi a pramisi foe joe (Psalm 50:14; Preikiman 5:4, 5). Didibri sa proeberi foe tapoe joe foe dini Jehovah (1 Petrus 5:8). Ma kon krosibei na Gado ini begi (Filipisma 4:6, 7). Studeri en Wortoe ibri dei (Psalm 1:1-3). Tan krosibei foe a gemeente (Hebrewsma 13:17). Te joe e doe ala den sani disi, dan joe sa kisi a tranga foe tan getrow na Gado. So boen, foe ala tègo ten joe kan doe den sani di Gado e aksi foe joe!

Yu ben sa wani sabi moro noso yu wani wan oso-bijbelstudie sondro fu pai? Skrifi go na Yehovah Kotoigi na a yoisti adres. Den adres

* Foe sreka gi a dopoe, wi e rikomanderi wan studie foe Sabi di e tjari joe go na tègo libi, noso wan srefi sortoe boekoe di a Watch Tower Bible and Tract Society tjari kon na doro.

Copyright © 2012 Watch Tower Bible and Tract Society of Pennsylvania. All rights reserved.