 |
Beliefs | Future | Medical | Topics | Contact Us | Publications | Languages |
| Ino ma Takin’ny Zagnahary Amitsika? | Fianaragna Voanalohany  |
Akôry Ahaizanao Raha Takin’ny Zagnahary Aminao |
|
 |
Ino aby raha koragnin’ny Baiboly? (1) |
|
Boaka amin-jôvy ma Baiboly? (2) |
|
Nagnino anao tôkony hianatra Baiboly? (3) |
1. Baiboly kadô farany tsara boaka amy Zagnahary. Miragna amy baba araiky mandaifa taratasy amy Zanany tiany izio. Marigny mikasiky Zagnahary koragniny amitsika, azôvy izy ndraiky ino lalàgna napaitrany tôkony haraihatsika. Izio magnazava amitsika faomba andaminagna ra-manahiragna ndraiky faomba ahitagna hasambaragna marigny. Baiboly zaraiky fo mikoragna amitsika ino raha tôkony hatao beky Zagnahary ravoravo.—Salamo 1:1-3; Isaia 48:17, 18. 
2. Lelahy kadiriny 40 nanaoratra Baiboly, tagnatin’ny 1600 taogno. Nanomboko zegny tamy 1513 talohan’i Jesosy Kristy. Misy 66 boky agnatin’izio. Nahazo tsindrimandry boaka tamy Zagnahary irô nanaoratra Baiboly io. Tsy hevitrin-drô nisoratan-drô fa hevitry Zagnahary. Dikan’izegny, Baiboly boaka amy Zagnahary an-dagnitry agny, fa tsy boaka amin’olo.—2 Timoty 3:16, 17; 2 Petera 1:20, 21. 3. Nataon’ny Zagnahary marigny tsara sady naraovany Baiboly beky tsy miaovaova. Baiboly zaraiky fo boky farany maro naboaka. Tsy kila olo ho ravoravo mahita anao mianatra Baiboly, fa izy ndraiky kaza atao mahakivy anao. Ny hahavelogno anao tsisy farany teteky iô, miankiny amy fahaizanao Zagnahary ndraiky fagnanaovanao sitrapôny nata misy manohitry anao.—Matio 5:10-12; Jaona 17:3. |
Naboaka tamy 2004 |
 |
Copyright © 2006 Watch Tower Bible and Tract Society of Pennsylvania. All rights reserved. |
|