Ino ma Fikasagnan’ny Zagnahary amy Tany Ty? - Vavolombelogn’i Jehovah: Adiraisy Internet Ofisialin’ny Fikambanagna Watchtower

Vavolombelogn’i Jehovah: Adiraisy Internet Ofisialin’ny Fikambanagna Watchtower

Beliefs

Future

Ino ma Takin’ny Zagnahary Amitsika?

Fianaragna Faha-5

Ino ma Fikasagnan’ny Zagnahary amy Tany Ty?
	Nagnino ma Jehovah nagnamboatra tany? (1, 2)
	Nagnino ma tany tsy paradisa eky iziôty? (3)
	Hatao karakôry ma olo ratsy fagnahy? (4)
	Teteky iô, hataon’i Jesosy karakôry ma olo marary? matoe? maty? (5, 6)
	Izikoa tianao hahazo fitahiagna hoavy tsy ho aila io, ino ma raha tôkony hataonao? (7)

1. Jehovah niasa tany beky hiaignan’olo tsisy farany. Tiany feno olo marigny ndraiky sambatra tany ty. (Salamo 115:116; Isaia 45:18) Tsisy andra hahapotiky tany ty.—Salamo 104:5; Mpitoriteny 1:4.

2. Talohan’ny Zagnahary nagnamboatra olo, nifidy tapany hely tamy tany izy nataony paradisa. Zaridaign’Edena agnaran’izio. Nambailany tao lelahy ndraiky magnangy voanalohany, Adama ndraiky Eva. Tian’ny Zagnahary irô hitairaka beky hameno tany. Boaka iô, irô fo hagnitatra paradisa io amy tany jiaby.—Genesisy 1:28; 2:8, 15.

Paradisa very

3. Tsy nagnaraka volagna Zagnahary Adama ndraiky Eva, kay niroasin’i Jehovah niala tamy zaridaigny tao. Very paradisa. (Genesisy 3:1-6, 23) Ndray zegny ndraiky, Jehovah tsy agnadigna raha kasainy hatao amy tany. Izy mampagnantaigna fa mbala hampody paradisa izy ty. Amy zegny, olo hiaigny eto tsisy farany. Karakôry hagnanaovany zegny?—Salamo 37:29.

4. Alohan’ny tany hanjary paradisa, tsy maintsy adoso olo magnano ratsy jiaby. (Salamo 37:38) Amin’Aramagedaona hagnanaovan’ny Zagnahary zegny. Izio ady ataon’ny Zagnahary hagnafoagnana faharatsiagna jiaby. Boaka iô, Satana gadraigna agnatin’ny 1000 taogno. Dikan’izegny, tsy hisy eky olo ratsy fagnahy handrobaka tany. Olon’ny Zagnahary fo tafitsaka velogno.—Apokalypsy 16:14, 16; 20:1-3.

5. Fagnampin’izegny, Jesosy Kristy Mpanjaka hitaondra tany ty agnatin’ny 1000 taogno. (Apokalypsy 20:6) Izy hagnadoso tsihelihely fahotagna jiaby amitsika. Atsika amy zegny hanjary tsisy antsany eky, karaha Adama ndraiky Eva tamy voanalohany igny. Tsy hisy eky aretigny, hatoaizagna, ndraiky fahafataisagna. Olo marary hahivagna, olo matoe himpody tanora ndraiky.—Joba 33:25; Isaia 33:24; Apokalypsy 21:3, 4.

6. Amy Fanjakagna Arivo Taognon’i Jesosy, olo hiasa, hagnaova tany ty paradisa. (Lioka 23:43) Fagnampin’izegny, olo aifa maty hivilômigny. (Asan’ny Apostoly 24:15) Izikoa irô magnaraka volagna Zagnahary, hitohy tsisy farany fiaignanan-drô. Fa izikoa ndraiky irô tsy magnaraka, hofoaty mandrakizay.—Jaona 5:28, 29; Apokalypsy 20:11-15.

7. Ho tantairaka amy zay raha niritriretin’ny Zagnahary hatao amy tany ty. Mba tianao ma hahazo fitahiagna be karaha zegny? Izikoa tianao, mila manohy mianatra maomba Jehovah anao, aviô magnaraka raha volagniny. Afaka magnampy anao koa fagnataognana fivoriagna amin’Efitragno Fanjakagnan’ny Vavolombelogn’i Jehovah marikitry anao.—Isaia 11:9; Hebreo 10:24, 25.

Aramagedaona koa vita, hanjary paradisa tany

Naboaka tamy 2004
Copyright © 2006 Watch Tower Bible and Tract Society of Pennsylvania. All rights reserved.