 |
Beliefs | Future | Medical | Topics | Manorata Aminay | Publications | Languages |
| Ino ma Takin’ny Zagnahary Amitsika? | Fianaragna Faha-8  |
Fiaignana Agnaty Taokantragno Maharavoravo Zagnahary |
|
 |
Ino ma toairagna lelahy agnaty taokantragno? (1) |
|
Karakôry tôkony fitondrasan’ny lelahy vadiny? (2) |
|
Ino ma andraikitry lelahy manam-bady agnaty taokantragno? (3) |
|
Ino ma anjara asan’ny magnangy agnaty taokantragno? (4) |
|
Ino ma takin’ny Zagnahary amy raimandreny ndraiky zanaka? (5) |
|
Karakôry fahitan’ny Baiboly fisintahagna ndraiky fisarahagna? (6, 7) |
1. Koragnin’ny Baiboly fa lelahy lohan’ny fianakaviagna. (1 Korintianina 11:3) Tôkony magnangy araiky fo vadin’ny lelahy araiky. Tôkony vita saoratra amy fanjakagna vadiagnan-drô.—1 Timoty 3:2; Titosy 3:1. 2. Lelahy tôkony ho tia vadiny karaha ataony tia aigninany. Izy tôkony hangala tahaka fitondrasan’i Jesosy mpianatranany. (Efesianina 5:25, 28, 29) Izy tsy tôkony hamopoko na hampijaly vady. Tôkony haboakany tsarabe fa izy magnamia voninahitry ndraiky magnaja vady.—Kolosianina 3:19; 1 Petera 3:7.
3. Lelahy manam-bady tôkony hiasa mare hamilaomagna fianakaviagnanany. Izy tsy maintsy miantoko hanigny, lamba, tragno pitrahagna. Izy tsy maintsy magnampy fianakaviagnanany hihavagna amy Zagnahary koa. (1 Timoty 5:8) Izy tômpon’andraikitry voanalohany hampianatra vady aman-janany maomba Zagnahary ndraiky fikasagnanany.—Deoteronomia 6:4-9; Efesianina 6:4. 4. Magnangy tôkony hitatahy tsara vadiny. (Genesisy 2:18) Magnano zegny izy amy fampianaragna ndraiky fampiofanagna zanakan-drô. (Ohabolana 1:8) Takin’i Jehovah magnangy hikarakara tsara taokatragnonany. (Ohabolana 31:10, 15, 26, 27; Titosy 2:4, 5) Izy koa tôkony hagnaja tsara vadiny.—Efesianina 5:22, 23, 33. 5. Takin’ny Zagnahary zanaka hagneky olobeny. (Efesianina 6:1-3) Takin’ny Zagnahary raimandreny hampianatra ndraiky hagnanatra zanany. Beky hikarakaragna raha jiaby ilain’ny zanany, raimandreny mila mandany fotoagna matetiky ndraiky miaraka mianatra Saoratra Masigny amy zanany. (Deoteronomia 11:18, 19; Ohabolana 22:6, 15) Raimandreny tsy tôkony hasiaka loatra na kafiry izikoa magnanatra zanany.—Kolosianina 3:21.
6. Izikoa misy raha manahiragna madinidiniky na tsy ifagnarahagna amin’olo fivadiany, tôkony hifegny irô hagnaraka torohevitry Baiboly. Saoratra Masigny mandrisiky atsika hifankatia ndraiky hahay hamaila heloko. (Kolosianina 3:12-14) Baiboly tsy mandrisiky fisintahagna handaminagna ra-manahiragna madinidiniky. Kanaifa ndraiky, mety hanapa-kevitry hisintaka amy vadiny magnangy araiky izikoa 1) lelahy midrikiny tsy hamelogno vadiny ndraiky zanany, na 2) izy kafiry loatra kay mety hamparary na hamono; na 3) aifa rôso loatra fanohairan’ny vadiny kay tsy ahavitany manompo Jehovah.—1 Korintianina 7:12, 13. 7. Tsy maintsy mifampatoky irô fivadiany. Fahotagna amy Zagnahary ndraiky amy vady fiarahagna amin’olo hafa. (Hebreo 13:4) Volagnin’ny Baiboly, fagnanaovagna firaisagna amin’olo tsy vadin-taigna zaraiky fo antony mety hisarahagna kay azahoagna lalagna manambady olo hafa ndraiky. (Matio 19:6-9; Romanina 7:2, 3) Halan’i Jehovah izikoa misaraka tsisy antony boaka amy Saoratra Masigny kay manambady olo hafa.—Malakia 2:14-16. |
||||
Naboaka tamy 2004 |
 |
Copyright © 2011 Watch Tower Bible and Tract Society of Pennsylvania. All rights reserved. |
|
