 |
Beliefs | Future | Medical | Topics | Manorata Aminay | Publications | Languages |
| Ino ma Takin’ny Zagnahary Amitsika? | Fianaragna Faha- 10  |
Raha Fatao Halan’ny Zagnahary |
|
 |
Karakôry hevitrinao mikasiky raha volagnin’ny Zagnahary fa ratsy? (1) |
|
Karazagna firaisagna ara-nofo ino aby ratsy? (2) |
|
Mety amy Kristianigny mavandy? (3) miloka? (3) mangalatra? (3) kafiry? (4) mamôriky (5) mamolava? (6) |
|
Ino tôkony hataon’olo araiky ialagna amy raha ratsy nahazatra izy? (7) |
1. Olo mpivavaka amy Zagnahary tia magnano ny tsara. Kanaifa, irô koa tsy maintsy mianatra tsy ho tia raha halan’ny Zagnahary. (Salamo 97:10) Dikan’izegny, irô tsy magnano raha halan’ny Zagnahary. Ino aby ma sasantsasany amy raha ratsy zegny? 2. Mijangajanga: Fahotagna mahafaty amy Zagnahary fagnanaovagna firaisagna izikoa tsy vita mariazy, mandiadia vady, manambady havagna marikitry, lelahy manambady lelahy na magnangy manambady magnangy. (Levitikosy 18:6; Romanina 1:26, 27; 1 Korintianina 6:9, 10) Izikoa misy lelahy ndraiky magnangy miaraka miaigny, ndraiky fandriagna araiky kanaifa tsy vita mariazy, tôkony hisaraka irô na hagnano mariazy.—Hebreo 13:4.
3. Mavandy, miloka, mangalatra: Jehovah tsy mahay mavandy. (Titosy 1:2) Izikoa tiatsika hahazo rady amy Zagnahary, atsika tsy tôkony havandy. (Ohabolana 6:16-19; Kolosianina 3:9, 10) Ahitagna fitiavam-baola izikoa fa raisaka loka. Zegny mahavy Kristianigny tsy miloka foeky, na lôtery zegny, na lakorisy sevaly na lôtô. (Efesianina 5:3-5) Kristianigny koa tsy mangalatra sady tsy mivanga aintagna halatra. Irô tsy mangala raha tsy nin-drô na raha tsy nazahoagna lalagna.—Eksodosy 20:15; Efesianina 4:28. 4. Heloko dila loatra, kafiry: Manjary kafiry olo araiky tsy mahatana heloko. (Genesisy 4:5-8) Olo karaha zegny tsy mety ho kamaradin’ny Zagnahary. (Salamo 11:5; Ohabolana 22:24, 25) Tsy tsara mamaly faty.—Ohabolana 24:29; Romanina 12:17-21. 5. Magnozogno, mamôriky: Misy olo mikaiky fagnahy ratsy hitahagna. Sasany ndraiky magnozogno olo tsy tiany beky olo io marary na hofoaty. Satana fo ambadiky raha jiaby zegny. Kaila Kristianigny tsy tôkony hagnano zegny. (Deoteronomia 18:9-13) Izikoa atsika vorehin’olo, mivavaka amy Jehovah ndraiky magnano sitrapônany fo fiaraovagna taigna tsara.—Ohabolana 18:10. 6. Mamolava: Tsy fady migiaka divay na labiaira, na raha hafa misy alkaoly izikoa atao hely fo. (Salamo 104:15; 1 Timoty 5:23) Ndray zegny ndraiky, halan’ny Zagnahary olo koa mazàgna migiaka be ndraiky mamolava. (1 Korintianina 5:11-13; 1 Timoty 3:8) Mamparary figiahagna toaka be loatra, sady mety handrobaka taokantragnonao koa. Hanjary malaky aminao magnano raha halan’ny Zagnahary izikoa anao mamo.—Ohabolana 23:20, 21, 29-35. 7. Lagniany olo magnano raha tsy manjary jiaby voavolagna teo igny, “tsy handova fanjakagnan’ny Zagnahary.” (Galatianina 5:19-21) Izikoa tianao ankitigny Zagnahary, hagnano raha mamparavoravo izy anao kay hiala amy raha ratsy aby io. (1 Jaona 5:3) Mianara tsy ho tia raha volagnin’ny Zagnahary fa ratsy. (Romanina 12:9) Miaraha amin’olo zatra magnano ny tsara. (Ohabolana 13:20) Mitadiava fagnampiagna amy Kristianigny matotro. (Jakoba 5:14) Fagnampin’ny raha jiaby zegny, mivavaha beky mahazo fagnampiagna boaka amy Zagnahary.—Filipianina 4:6, 7, 13. |
||
Naboaka tamy 2004 |
 |
Copyright © 2011 Watch Tower Bible and Tract Society of Pennsylvania. All rights reserved. |
|
