 |
Beliefs | Future | Medical | Topics | Contact Us | Publications | Languages |
| Ino ma Takin’ny Zagnahary Amitsika? | Fianaragna Faha- 12  |
Fagnajagna Aigny Ndraiky Lio |
|
 |
Karakôry tôkony hivairatsika fahignana? (1) fagnadosoagna tsaiky? (1) |
|
Amy faomba karakôry hagnaboahan’ny Kristianigny fa mitandrigny fo izy amy raha mety handratra na hamono? (2) |
|
Ratsy ma mamono biby? (3) |
|
Ino aby raha fataon’olo, tsy magnaja fahignana? (4) |
|
Ino lalàgnan’ny Zagnahary mikasiky lio? (5) |
|
Tafiditry amy lalàgna namian’ny Zagnahary mikasiky lio io koa ma fampidiragna lio? (6) |
1. Boaka amy Jehovah fahignana. Raha jiaby miaigny, namian’ny Zagnahary fahignana aby. (Salamo 36:9) Masigny amy Zagnahary fahignana io. Nata fahignana tsaiky mbala agnaty kibon’ny reniny, misy valairany amy Jehovah fo. Kay halan’ny Zagnahary magnadoso tsaiky.—Eksodosy 21:22, 23; Salamo 127:3.
2. Taigna Kristianigny mitandrigny mare amy raha mety handratra na hamono. Zahan-drô tsarabe tomabilin-drô ndraiky tragnon-drô, tsao mampisy aksidan. (Deoteronomia 22:8) Olo mpivavaka amy Zagnahary tsy mirisiky amy raha tsisy dikany beky hahita ambiansy. Kaila irô tsy magnano spaoro natao handratra olo. Kristianigny tsy magnano na mankasitraka fangalagna diandiagna na saoma feno kafiry.—Salamo 11:5; Jaona 13:35. 3. Masigny amy Mpamôrogno koa fahignana biby. Mety amy Kristianigny mamono biby izikoa hoanigny, hagnamboaragna lamba, hiaraovan-taigna amin’aretigny na raha hafa. (Genesisy 3:21; 9:3; Eksodosy 21:28) Kanaifa, tsy mety mampijaly na mamonomono biby.—Ohabolana 12:10. 4. Kristianigny tsy mifima, tsy mihina katy, lobàka ndraiky raha hafa mampadonto hitadiavagna plezira. Ratsy raha aby io fôtony 1) andivôziny atsika, 2) robatiny aignitsika, aviô 3) maloto. (Romanina 6:19; 12:1; 2 Korintianina 7:1) Mety taigna sarotro ialagna raha jiaby io izikoa nahazatra. Kanaifa, tsy maintsy miaova atsika beky Jehovah ravoravo. 5. Lio koa masigny amy Zagnahary. Nivolagna Zagnahary fa lio io fahignana. Dikan’izegny, fady mihinagna lio. Fady koa mihinagna raha naty kopìnda na tsy voalainta tsarabe. Izikoa misy biby voatomboko na voatifitry tiatsika hoanigny, tsy maintsy lintaigna malaky.—Genesisy 9:3, 4; Levitikosy 17:13, 14; Asan’ny Apostoly 15:28, 29. 6. Fady ma mampiditry lio amy vatagnatsika? Alaiva onogno fa, takin’i Jehovah hifadiatsika lio. Dikan’izegny, atsika tsy mahazo mampiditry lio, na lion’olo hafa io na nintsika tômpiny avy nadoso tamitsika. (Asan’ny Apostoly 21:25) Kanaifa ndraiky, taigna Kristianigny magneky fitahagna hafa karaha ataon’ny fampidiragna ranon’aody tsisy lio amy vatagnan-drô. Ty ho velogno irô, kanaifa tsy tian-drô hitaha aignin-drô amy fandikagna lalàgnan’ny Zagnahary.—Matio 16:25. |
||
Naboaka tamy 2004 |
 |
Copyright © 2006 Watch Tower Bible and Tract Society of Pennsylvania. All rights reserved. |
|
