Fanapahan-kevitrinao Hanompo Zagnahary

1. Beky Zagnahary manjary kamaradinao, anao tsy maintsy mahay ny marigny amy Baiboly (1 Timoty 2:3, 4), tsy maintsy mino raha jiaby nianaranao (Hebreo 11:6), mifôno amy raha ratsy jiaby vitanao (Asan’ny Apostoly 17:30, 31), ndraiky vôgnono hagnaova fiaignananao. (Asan’ny Apostoly 3:19) Boaka iô, fitiavanao Zagnahary handrisiky anao hanolo-taigna aminany. Dikan’izegny anao zaraiky fo, amy vavaka manaokana, mivolagna aminany fa vognono hagnano sitrapônany.—Matio 16:24; 22:37.

2. Anao koa boaka nanolo-taigna tamy Zagnahary, tôkony hatao batisa. (Matio 28:19, 20) Batisa io ahaizan’olo jiaby fa anao nanolotro taignanao tamy Jehovah. Dikan’izegny, olo ampy taogno mahay manapa-kevitry hanompo Zagnahary fo mety atao batisa. Olo araiky koa atao batisa, vatagnanany jiaby ajibiky tsy aila agnaty rano.*—Marka 1:9, 10; Asan’ny Apostoly 8:36.

3. Anao koa fa nanolo-taigna amy Jehovah, magnantaigna izy fa anao tsy hivadiky amy vava nataonao. (Salamo 50:14; Mpitoriteny 5:3, 4) Devoly hagnano zay raha mety ho vitany beky anao miala amy Jehovah. (1 Petera 5:8) Kanaifa, magnataogna Zagnahary amy vavaka. (Filipianina 4:6, 7) Mianara Saoratra Masigny isan’andra. (Salamo 1:1-3) Kaza misaraka amy fiangonagna. (Hebreo 13:17) Izikoa anao magnano zegny, hahazo angôvo ilaigna hanompoagna Zagnahary zisk’amy farany. Amy zegny, ho vitanao fo hagnano raha takin’ny Zagnahary aminao.

Tianao hahazo fagnazavagna fagnampigny, na fampianaragna Baiboly an-tragnonao agny? Manorata amy Vavolombelogn’i Jehovah amin’adiraisy mety aminao. Adiraisy

* Anao koa magniry hatao batisa, zahay magniraka anao hianatra boky Anao ma fa Nahita Lalagna Mengo amy Fiaignana Tsisy Farany? na Mivavaha Amin’ilay Hany Andriamanitra Marina, na koa boky hafa miramiragna amy zio naboakan’ny Vavolombelogn’i Jehovah.

Copyright © 2006 Watch Tower Bible and Tract Society of Pennsylvania. All rights reserved.