Sé maka Maromak? - Testemuña ba Jeová nia sítiu ofisiál.

Testemuña ba Jeová nia sítiu ofisiál.

Beliefs

Future

Saida maka Maromak Hakarak ita atu Halo?

Lisaun 2

Sé maka Maromak?
	Sé maka Maromak loos, no nia naran saida? (1, 2)
	Isin oin saida maka nia iha? (3)
	Saida maka furak liu kona-ba Maromak? (4)
	Atu adora nia ita bele uza estátua no símbolu sira ka lae? (5)
	Dalan rua saida mak ita bele aprende kona-ba Maromak? (6)

1. Ema adora buat barak. Maibé Bíblia hateten mai ita katak iha Maromak LOOS ida de’it. Nia hakiak, ou kria hotu iha lalehan no iha Rai. Tanba nia maka fó mai ita moris, nia Mesak de’it mak ita tenke adora. — 1 Korinto 8:5, 6; Apokalipse [Wahyu] 4:11.

2. Maromak iha títulu barak, maibé nia iha naran ida de’it. Naran ne’e maka JEOVÁ. Iha Bíblia barak, ema hasai Maromak nia naran no troka ho títulu NA’I ou MAROMAK. Maibé, kuandu ema hakerek hotu tiha Bíblia, naran Jeová mosu dala 7.000 liu! — Êxodo [Keluaran] 3:15; Salmo [Mazmur] 83:18; Apokalipse [Wahyu] 19:1.

3. Jeová iha isin, maibé la hanesan ita-nian. Bíblia hateten katak: “Maromak mak espíritu.” (Joao 4:24) Espíritu maka moris oin ida ne’ebé aas liu ita-nian. La iha ema ida iha Rai ne’ebé haree Maromak. Jeová hela iha lalehan, maibé nia bele haree buat hotu. (Salmo [Mazmur] 11:4, 5; Joao 1:18; Ebreu [Ibrani] 4:13) Entaun, saida mak espíritu santu? La’ós Maromak. Maibé, espíritu santu maka Maromak nia forsa. — Salmo [Mazmur] 104:30.

4. Bíblia fó sai mai ita kona-ba Jeová. No hatudu mós katak buat furak liu kona-ba nia maka ninia domin, justisa, matenek no kbiit. (Deuteronômio [Ulangan] 32:4; Jó [Ayub] 12:13; Isaías 40:26; 1 Joao 4:8) Bíblia hateten mai ita katak Maromak mós sente hanoin, no nia laran-di’ak, perduadór, laran-luak, no iha pasiénsia. Ita, nu’udar oan sira ne’ebé halo tuir, tenke buka atu halo hanesan nia. — Efeso 5:1, 2.

Ita aprende kona-ba Maromak husi buat nia kria no husi Bíblia

5. Ita bele hakru’uk an ka halo orasaun ba estátua, imajen, símbolu sira, ka buat lulik iha ita-nia adorasaun ka lae? Lae! (Êxodo [Keluaran] 20:4, 5) Jeová hateten katak ita tenke adora nia mesak de’it, tanba nia la fahe nia glória ho ema ida ou buat ida seluk. Estátua sira la iha kbiit, ou podér atu ajuda ita. — Salmo [Mazmur] 115:4-8; Isaías 42:8.

6. Oinsá mak ita bele koñese Maromak di’ak liu tan? Dalan ida maka hodi hateke buat sira ne’ebé nia kria tiha no hanoin kle’an kona-ba saida maka buat sira-ne’e hateten mai ita. Buat ne’ebé Maromak kria hatudu mai ita katak nia iha kbiit boot no matenek. Ita haree nia domin iha buat hotu nia halo. (Salmo [Mazmur] 19:1-6; Roma 1:20) Dalan ida seluk ne’ebé ita bele aprende kona-ba Maromak maka hodi estuda Bíblia. Iha Bíblia laran Maromak hateten mai ita buat barak liután kona-ba nia an. Maromak mós fó-hatene mai ita kona-ba buat nia hakarak halo no saida maka nia hakarak ita atu halo. — Amós 3:7; 2 Timoteo 3:16, 17.

Halo iha 2005
Copyright © 2008 Watch Tower Bible and Tract Society of Pennsylvania. All rights reserved.