1. To’o agora Ita aprende buat di’ak barak tiha ona husi Bíblia. Koñesimentu ne’e tenke halo Ita atu hetan hahalok no hanoin kristaun nian. (Efeso 4:22-24) Koñesimentu ida-ne’e mak importante liu ba Ita atu hetan moris rohan-laek. (Joao 17:3) Maibé, ema seluk mós presiza atu rona kona-ba lia-loos, hodi nune’e, sira mós bele hetan salvasaun. Ema kristaun loos hotu tenke fó sasin ba ema seluk. Ida-ne’e buat ne’ebé maka Maromak haruka ita atu halo. — Roma 10:10; 1 Korinto 9:16; 1 Timoteo 4:16.
2. Ita bele komesa atu fó sasin hodi hato’o buat di’ak ne’ebé Ita aprende ba ema seluk. Ko’alia kona-ba ida-ne’e ba Ita-nia família, kolega sira, maluk sira iha eskola no serbisu-fatin. Halo ida-ne’e ho laran-di’ak no pasiénsia. (2 Timoteo 2:24, 25) Hanoin-hetan katak dala barak ema haree liu maka ba hahalok duké rona ba buat ema ruma hateten. Tan ne’e, Ita-nia hahalok di’ak bele dada ema seluk atu rona ba mensajen ne’ebé Ita hato’o. — Mateus 5:16; 1 Pedro 3:1, 2, 16.
3. Lakleur, Ita sei hetan lisensa husi kongregasaun ida atu haklaken hamutuk ho Testemuña ba Jeová. Ida-ne’e buat importante atu bá oin. (Mateus 24:14) Ita sei haksolok tebes bainhira Ita bele ajuda ema ruma atu sai atan ida ba Jeová no hetan moris rohan-laek! — 1 Tesalonia 2:19, 20. |
