 |
Beliefs | Future | Medical | Topics | Tu Sonehele | Publications | Languages |
| Suku Oyongola Nye Kokuetu? | Ocipama ce 12  |
Okusumbila Omuenyo kuenda Osonde |
|
 |
Omuenyo tupondola oku wusokisa ndati? (1) Kuenda oku pulumula? (1) |
|
Akristão valekisa ndati esakalalo liatiamẽla koku kolapo? (2) |
|
Oku ponda ovinyama ekandu? (3) |
|
Ovituwa vipi okuti kavilekisa esumbilo lomuenyo? (4) |
|
Cipi ocihandeleko ca Suku catiamẽla kosonde? (5) |
|
Omu mukongela hẽ oku kapiwa osonde vasipa? (6) |
1. Yehova eye Ono yomuenyo. Ovina viosi vikuete omuenyo via utambula ku Suku. (Osamo 36:9) Omuenyo ku Suku ukola. Ndaño omuenyo woñaña, okuti handi yikasi vimo lia ina yaye, usilivila ku Yehova. Oku ponda ocipango oñaña eyi kacasungulukile ku Suku (ekandu linene). — Etundilo 21:22, 23; Osamo 127:3.
2. Akristão vocili vasakalala loku kolapo. Va tala nda ekãlu liavo lonjo viakolapo ciwa. (Esinumuĩlo 22:8) Omanu va Suku kavakapi omuenyo wavo kohele omo liolonjongole vietimba. Omo liaco kavakuata onepa kolomapalo, okuti vipunyula vakuavo. Vayuvula oku kuama ovitalukilo viungangala. — Osamo 11:5; Yoano 13:35. 3. Omuenyo wovinyama ukuetevo esilivilo liocili Kululiki. Ukristão citava okuti oponda ovinyama oco akuate okulia luwalo, ale oku liteyuila kovovei kuenda kovina vikuavo vilinga usumba. (Efetikilo 3:21; 9:3; Etundilo 21:28) Pole kacasungulukile oku tata lãvi ovinyama ale okuviponda ño ndocitalukilo ale onjongole. — Olosapo 12:10. 4. Kacitava okuti ukristão osipa, ale ofenya eliamba kuenda onyua olodroga omo liolonjongole (vietimba). Ovituwa evi kaviasungulukile momo (1) vitulingisa apika, (2) vilinga lãvi etimba lietu kuenda (3) vivĩhĩsa. (Va Roma 6:19; 12:1; 2 Va Korindo 7:1) Pamue okuimbapo ovituwa evi catĩla calua. Pole tukuete okucilinga oco tusanjuise Yehova. 5. Osonde ku Suku yikolavo. Suku wapopia hati omuenyo, wukasi vosonde. Omo liaco kacasungulukile oku lia osonde. Kacasungulukilevo oku lia ositu yocinyama kacopiwile ciwa osonde. Ositu yocinyama kacopiwile osonde ale cafila vociliva kacitava okuyilia. Nda (ocinyama caco) capondiwa lusongo ale luta, okuete okucupa lonjanga osonde, nda ositu yaco yikaliwa. — Efetikilo 9:3, 4; Ovisila 17:13, 14; Ovilinga 15:28, 29. 6. Kacasungulukile oku tava oku kapiwa osonde vasipa? Sokolola okuti Yehova oyongola okuti tulikandangiya oku tambula osonde. Eci cilomboloka okuti kacitava oku iñisa osonde yomanu vakuavo vetimba lietu ale oku tambula osonde yetu muele yasolekiwa. (Ovilinga 21:25) Omo liaco, akristão vocili kavatava oku kapiwa osonde vasipa. Puãi vatava okusakuiwa lolondotolo lovina vikuavo, ndeci ihemba okuti kaviapangiwile losonde. Vayongola oku kala lomuenyo, puãi kavaseteka oku yovola omuenyo loku lavisa ovihandeleko via Suku. — Mateo 16:25. |
||
Kasandekiwa kunyamo wo 1996 |
 
|
Copyright © 2010 Watch Tower Bible and Tract Society of Pennsylvania. All rights reserved. |
|
