Ndomo Olombangi Via Yehova Viasokiyiwa - Onumbi yo Internet Yolombangi Via Yehova

Onumbi yo Internet Yolombangi Via Yehova

Beliefs

Future

Suku Oyongola Nye Kokuetu?

Ocipama ce 14

Ndomo Olombangi Via Yehova Viasokiyiwa
	Otembo yipi Olombangi via Yehova via fetika upange wavo? (1)
	Olohongele Violombangi via Yehova vilingiwa ndati? (2)
	Vatẽla ndati oku sanga olombongo viokuendisa upange (woku kunda)? (3)
	Helie sungu yekongelo lekongelo? (4)
	Olohongele vipi vinene vilingiwa unyamo lunyamo? (5)
	Upange we ulingiwa kombala kuenda kolonjo vikuavo viatiamẽla kombala? (6)

1. Olombangi via Yehova via fetika upange wavo kunyamo wo 1870. Kefetikilo, vatukowailue okuti Vakuakulilongisa Embimbiliya. Puãi kunyamo wo 1931 va fetika oku kuama onduko yopiwa ve Embimbiliya okuti Olombangi via Yehova. (Isaya 43:10) Ovo vafetika lokacimunga katito, noke esokiyo liamako toke eci kuakongeliwa olohuluwa Violombangi via Yehova, vikasi okukundila kueci cipitahãla 230 kolofeka.

2. Valua akongelo Volombangi via Yehova valinga olohongele viavo olonjanja vitatu vosemana. Tukulaleka oco wende kohongele. (Va Heveru 10:24, 25) Embimbiliya olio ono yeci cilongisiwa. Olohongele vifetikiwa kuenda vimalusuiwa lohutililo. Kualua kolohongele evi kuimbiwavo ovisungo ‘viefendelo liespiritu’. (Va Efeso 5:18, 19) Okuiñila ocali kuenda kakupingiwa ovilumba. — Mateo 10:8.

3. Akongelo valua okuti valingila olohongele viavo Vonjango Yusoma. Onjango yaco yapitaño pokati, kuenda yatungiwa Lolombangi (via Yehova) vialieca ocali. Vonjango Yusoma kamuli oviñumañuma, akulusu ale ovina vikuavo (viatiamẽla koviteka). Cosi cisukiliwa cilandiwa lolombongo violombanjaile vieciwa ocali. Omunu wosi oyongola okueca ombanjaile, muli ocikaxa coku kapa olombanjaile. — 2 Va Korindo 9:7.

4. Vekongelo lekongelo muli akulu vekongelo, ale olomitavaso. Ovo vasonguila elongiso vekongelo. (1 Timoteo 3:1-7; 5:17) Vakuete oloñuatisi. (1 Timoteo 3:8-10, 12, 13) Alume ava kavatendiwa ndava okuti vavelapo calua vakuavo vekongelo. (2 Va Korindo 1:24) Kavaliluki olonduko viokulivelisapo. (Mateo 23:8-10) Kavawala uwalo walitepa lowu wa vakuavo. Kuenda kavafetiwa olombongo omo liupange valinga. Akulu vekongelo vatata ocali akongelo kueci catiamẽla konepa yespiritu. Ovo valembeleka kuenda eci kuiya ovitangi va lekisa onjila yikuamiwa. — Tiago 5:14-16; 1 Petulu 5:2, 3.

5. Olombangi via Yehova vilingavo olohongele vinene anyamo vosi. Votembo yaco, kukongeliwa akongelo valua oco vayevelele elilongiso lilikasi lie Embimbiliya. Okupapatisiwa kuolondonge viokaliye onepa yimue yasiata kolohongele evi. — Mateo 3:13-17; 28:19, 20.

6. Ombala yinene Yolombangi via Yehova yikasi ko Nova York, ko EUA. Oku oko kukasi Osungu Yakulu, okuti ocimunga cakulu vekongelo valoñoloha va tata akongelo vosi (Volombangi via Yehova) vakasi voluali. Voluali luosi mukuete eci cipitahãla 100 kolonjo vitukuiwa okuti olofiliale kuenda olokonjenele. Kovitumãlo evi, kuli vamanji valieca ocali okuti va kuatisa oku panga alivulu va lombolola Embimbiliya kuenda okuvatumisa kolofeka vikuavo. Kueciwavo olonumbi vioku sokiya eci catiamẽla kupange woku kunda. Tukulaleka oco olinge epasu kofiliale ale kokonjenele yikasi vali ocipepi love.

Kasandekiwa kunyamo wo 1996
Copyright © 2008 Watch Tower Bible and Tract Society of Pennsylvania. All rights reserved.